جاس اسكەريلەر كۇلاش بايسەيسەيىتوۆا شىڭىن باعىندىردى

 الماتى. قازاقپارات - الماتى قالالىق اسكەري- پاتريوتتىق كلۋبىنىڭ ورەندەرى كۇلاش بايسەيسەيىتوۆا شىڭىنا قازاقستاننىڭ كوكبايراعىن تىكتى، دەپ حابارلايدى قازاقپارات ءتىلشىسى.

جاسوسپىرىمدەر تەڭىز دەڭگەيىنەن 3500 مەتر بيىكتىكتە جاتقان شىڭدى باعىندىردى.

قالالىق «كيروۆ» اسكەري- پاتريوتتىق كلۋبىنىڭ تۇلەكتەرى قازاقستاننىڭ مەملەكەتتىك تۋىن تاۋەلسىزدىك كۇنى قارساڭىندا ك. بايسەيىتوۆا شىڭىنا، حالىققا بەلگىلى شىمبۇلاققا قويدى.

بۇل جاستاردىڭ بۇكىل قازاقستاندىقتارعا 16 - جەلتوقسان - قازاقستاننىڭ تاۋەلسىزدىك كۇنىنە وراي تارتقان تارتۋى.

 11 جانە 18 جاس ارالىعىنداعى جەتكىنشەكتەر الپينيزممەن جانە شىڭدى باعىندىرۋمەن شۇعىلدانادى. جاس الپينيستەر شىڭعا كوتەرىلۋ ءۇشىن التى ايلىق قاجەتتى داعدىلاردى مەڭگەرگەن.

 ولارعا جەڭىلاتلەتيكالىق جانە ارنايى جاتتىعۋلاردان كەيىن عانا تاۋعا شىعۋعا رۇقسات ەتىلدى.

قىستا شىڭعا شىعۋدان بۇرىن، بالالار ەڭ الدىمەن تەڭىز دەڭگەيىنەن 4000 مەتر جوعارى ورنالاسقان كىشىگىرىم تاۋلارعا جول تارتادى. ال سودان كەيىن فيزيكالىق، تاكتيكالىق شىنىعىپ، شەبەرلىكتى جيناقتاي وتىرىپ، ءتورت جارىم مىڭ مەترگە دەيىن جەتەدى.

جاس جاۋىنگەرلەردىڭ ۆزۆودى تاۋ- كەن جانە الپينيزم بويىنشا جاتتىعۋلارعا ارنالعان جەتى كۇندىك جاتتىعۋ دايىندىعىنان ءوتتى.

ولارمەن تاجىريبەلى الپينيستەر كومانداسى «كيروۆ» اسكەري- پاتريوتتىق كلۋبىنىڭ جەتەكشىسى تاۋ ءتۋريزمى مەن الپينيزمىندە 16 -جىل تاجىريبەسى بار باقىتجان پىرىمبەت، «شىمبۇلاق» تاۋ شاڭعىسى كۋرورتىن قۇتقارۋشىسى پاۆەل مايوروۆ پەن مەديتسينالىق قىزمەت لەيتەنانتى ناتاليا وستروۆسكايا بىرگە ءجۇردى.

كۇلاش بايسەيىتوۆا شىڭىنا كوتەرىلۋ 9 ساعاتقا سوزىلدى. اۋا رايىنىڭ قولايسىزدىعىنا قاراماستان، جاستار تاپسىرمانى ويداعىداي ورىندادى. وقۋشى كارينا رۋباننىڭ ايتۋىنشا، قازاقستاننىڭ تۋىن تاۋ شىڭىندا تاۋەلسىزدىك كۇنىنە وراي كوتەرۋ - جاس پاتريوتتار ءۇشىن ۇلكەن جاۋاپكەرشىلىك جانە ۇلكەن ابىروي.

بۇگىنگى تاڭدا جاسوسپىرىمدەر باعىندىرعان پانفيلوۆ، پيونەرلەر، امانگەلدى، مولودەجنىي، كەڭەستەر، كومسومول، فۋرمانوۆ جانە پانوراما شىڭدارىنىڭ قاتارىنا كۇلاش بايسەيىتوۆا شىڭى قوسىلدى.