الىشەر كارىموۆ قازاقستاننىڭ ەڭبەك سىڭىرگەن قايراتكەرى اتاندى

  استانا. قازاقپارات - ءانشى الىشەر كارىموۆ «قازاقستاننىڭ ەڭبەك سىڭىرگەن قايراتكەرى» مەدالىمەن ماراپاتتالدى. بۇل تۋرالى ءانشىنىڭ ءوزى حابارلاپ، ءسۇيىنشى سۇرادى.

قۇرمەتتى قازاقستاندىقتار! قۇتتىقتاي بەرسەڭىزدەر بولادى. «قازاقستاننىڭ ەڭبەك سىڭىرگەن قايراتكەرى» دەگەن اتاققا يە بولدىم! مەنىڭ بۇل ماراپاتقا يە بولعانىم سىزدەردىڭ ارقالارىڭىز! قازاقستان رەسپۋبليكاسىنىڭ ەلباسى نۇرسۇلتان ءابىش ۇلى نازاربايەۆقا، مادەنيەت ءمينيسترى ارىستانبەك مۇحامەدي ۇلىنا ۇلكەن راقمەت! بولاشاقتا ءالى تالاي بەلەستەرگە جەتەمىز!»، - دەپ جازدى ءانشى پاراقشاسىندا.

جەلى قولدانۋشىلارى ءانشىنى قۇتتىقتاپ ىزگى تىلەگىن ءبىلدىردى. ەندى ءبىر توپ جاس انشىلەردىڭ بۇل ماراپاتقا لايىق ەمەس ەكەنىن ايتىپ سىنادى.

ەسكە سالا كەتسەك، بۇعان دەيىن ءاليا نازاربايەۆا مەن اقان ساتايەۆتىڭ، سونداي- اق، تيمۋر جاقسىلىقوۆ، التىناي نوگەربەك، ءادىل احمەتوۆتىڭ دا مەملەكەتتىك سىيلىققا يە بولعانىن حابارلاعان ەدىك.

Stan.kz