مادەنيەت جانە سپورت قايراتكەرلەرىنە مەملەكەتتىك ناگرادالار تابىستالدى
ارىستانبەك مۇحامەدي ۇلى قۇتتىقتاۋ سوزىندە قازاقستان تاۋەلسىزدىگى كۇنى ەلدىڭ ءاربىر ازاماتىنىڭ ومىرىندە ماڭىزدى مەرەكە ەكەندىگىن ايتىپ ءوتتى.
«بۇگىن بارلىعىمىز ەلىمىزدىڭ تاۋەلسىزدىك مەرەكەسى قارساڭىندا جينالىپ وتىرمىز. بۇگىن عانا تۇستە اقوردادا ءوزىمىزدىڭ ارىپتەستەرىمىز، ەلىمىزگە ەڭبەك سىڭىرگەن كوپتەگەن ازامات ماراپاتتالعان بولاتىن. ارينە، اركىمنىڭ ەڭبەگىنىڭ جانىپ- جاتقانى وتباسىنىڭ نەمەسە اۋلەتتىڭ عانا ەمەس، بۇكىل ەلدىڭ قۋانىشى. بۇگىنگى مەرەكەلەرىڭىزبەن قۇتتىقتاي وتىرىپ، الداعى ۋاقىتتا ۇلكەن جەتىستىكتەرگە جەتە بەرۋلەرىڭىزگە تىلەكتەسپىن» ، - دەدى جيىندا ءسوز سويلەگەن مينيستر.
مەملەكەتتىك جانە قوعامدىق قىزمەتتە سىڭىرگەن ەڭبەگى، ەلدىڭ الەۋمەتتىك- ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ اتىنان كەلەسى ازاماتتار ماراپاتتالدى:
«پاراسات» وردەنىمەن:
م. اۋەزوۆ اتىنداعى قازاق مەملەكەتتىك اكادەميالىق دراما تەاترى» رمقك جوعارى دارەجەلى ءارتىسى عازيزا ابدىنابيەۆا؛
كينواكتەر ىسماعۇلوۆ اسىلبولات كاكەن ۇلى؛
ا. سەلەزنيەۆ اتىنداعى الماتى حورەوگرافيالىق ۋچيليشەسى» ر م ق ك كوركەمدىك جەتەكشىسى لي ليۋدميلا مۋنسەكوۆنا.
Ⅱدارەجەلى «دوستىق» وردەنىمەن:
«استانا وپەرا» مەملەكەتتىك وپەرا جانە بالەت تەاترى كەاق بالەت پەداگوگى زاكلينسكي كونستانتين ەۆگەنيەۆيچ.
«قۇرمەت» وردەنىمەن:
«استانا وپەرا» مەملەكەتتىك وپەرا جانە بالەت تەاترى كەاق جەتەكشى بالەت ءسوليسى مادينا باسبايەۆا؛
ق. قۋانىشبايەۆ اتىنداعى مەملەكەتتىك قازاق دراما تەاترى م ك ق ك ءارتىسى ءتاشىموۆا نۇرزادا تۇرسىنبەك قىزى؛
«قازاقكونسەرت» مەملەكەتتىك كونتسەرتتىك ۇيىمى رمقك ەسترادا توبىنىڭ جەتەكشىسى اۋەلبەكوۆا ءمولدىر ەسىركەپ قىزى؛
«استانا بالەت» ج ش س بالەت ءسوليسى احمەدياروۆ قازبەك عازيز ۇلى
سۋرەتشى كەسكىندەمەشى بايبوسىن مۇحتار قايرات ۇلى؛
ايتىس اقىنى ءاسيا بەركەنوۆا.
Ⅲدارەجەلى «ەڭبەك داڭقى» وردەنىمەن:
دومبىرا شەبەرى مۇسايەۆ سۇلتان جاقسىلىق ۇلى.
«ەرەن ەڭبەگى ءۇشىن» مەدالىمەن:
«استانا وپەرا» مەملەكەتتىك وپەرا جانە بالەت تەاترى» كەاق ديرەكتورىنىڭ ورىنباسارى ساۆوستيانوۆ الەكساندر الەكساندروۆيچ.
سونىمەن قاتار مادەنيەت، سپورت جانە تىلدەر دامۋى ءۇشىن ۇلەس قوسقان ازاماتتارعا «ەرەن ەڭبەگى ءۇشىن» مەدالىمەن، قازاقستان رەسپۋبليكاسىنىڭ قۇرمەت گراموتالارى جانە «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعىمەن ماراپاتتالدى.
مەدالمەن ماراپاتتالعانداردىڭ اراسىندا ەلىمىزدە جانە حالىقارالىق دەڭگەيدە تانىمال عالىمدار، ارتىستەر جانە سپورتشىلارمەن قاتار كۇندەلىكتى ەڭبەگى ەلەۋسىز، ءبىراق قوعام ءومىرى ءۇشىن ماڭىزدى قىزمەتكەرلەر دە بار.
