تاۋەلسىزدىك جىلدارى قويىلعان ەرەكشە ەسىمدەردى بىلەسىز بە
ماسەلەن، 2010 -جىلى ە ق ى ۇ سامميتى، 2011 -جىلى قىسقى ازيادا ويىندارى بولدى. وسىنداي ماڭىزدى وقيعالار وتكىزىلگەن ۋاقىتتا بالالارعا بەرىلگەن ەرەكشە ەسىمدەر دە بار، دەپ حابارلايدى قازاقپارات ءتىلشىسى.
اتاپ ايتار بولساق، ق ر ۇلتتىق ەكونوميكا مينيسترلىگى ستاتيستيكا كوميتيتەتىنىڭ دەرەكتەرىنە سايكەس، ە ق ى ۇ سامميتى وتكەننەن كەيىن دۇنيەگە كەلگەن 70 ەر جانە 17 قىز بالاعا سامميت، سامميتا (ساميت، ساميتا) سىندى ەسىمدەر بەرىلگەن. ال ازيادا ويىندارىننان كەيىن دۇنيە ەسىگىنە اشقان 57 قىز ازيادا (ازيادا) ەسىمىن العان.
مۇنان وزگە دە ەرەكشە ەسىمدەر بار. ايتالىق، 2011 -جىلى 1 -جەلتوقساندا الماتى وبلىسىندا دۇنيەگە كەلگەن بالاعا تاۋىلسىزدىك اتى بەرىلىپتى. جالپى ەلىمىزدە 16 نۇرلىجول، 10 نۇروتان، 28 بايتەرەك، 3 اقوردا ەسىمدى ەر ادام بار.
ماڭگىلىك ەسىمى 2 ەر، 2 قىز بالاعا بەرىلسە، تەڭگە ەسىمىن 10 قىز يەلەنگەن. ال 2009 -جىلدىڭ 30 -تامىزىندا دۇنيەگە كەلگەن ۇل بالاعا اتازاڭ ەسىمى بەرىلىپتى. سونىمەن قاتار 2017 -جىلعى «ەكسپو-2017» حالىقارالىق كورمەسى وتكىزىلگەن ۋاقىتتا دۇنيە ەسىگىن اشقان ەر بالاعا ازان شاقىرىپ، بايدىبەكسپو دەگەن ات قويىپتى. باس قالامىز استانانىڭ اتىمەن اتالاتىن دا ادامدار بار. مۇنداي ات 14 ەر جانە 3 قىز بالاعا بەرىلگەن.