ازىرەت سۇلتان مۋزەيىندە ورتاعاسىرلىق قۇدىق قايتا پايدالانۋعا بەرىلدى

تۇركىستان. قازاقپارات - تۇركىستانداعى «ازىرەت سۇلتان» مۋزەيىندە تاۋەلسىزدىك كۇنى قارساڭىندا تاريحي جاڭالىق بولدى. قوجا احمەت ياساۋي كەسەنەسىندەگى ورتاعاسىرلىق قۇدىق قايتا پايدالانۋعا بەرىلدى،

دەپ حابارلايدى قازاقپارات ءتىلشىسى.

ايتا كەتەيىك، قوجا احمەت ياساۋي كەسەنەسىندەگى قۇدىق 14 - عاسىردا قازىلعان. كەسەنە قۇرىلىسى اياقتالعان سوڭ «جاماعاتحانا» بولمەسىندەگى الىپ تايقازانعا سۋ تولتىرىلىپ، زياراتشىلارعا ارنايى تارقاتىلىپ وتىرعانى بەلگىلى. قۇدىق ⅩⅨ عاسىردىڭ باستاپقى شيرەگىنە دەيىن جۇمىس جاساعان. ال، 1992-1999 -جىلدار ارالىعىندا كەسەنەگە جۇرگىزىلگەن رەستاۆراتسيالىق جۇمىستارعا بايلانىستى قۇدىق سۋى مۇلدە جابىلعان بولاتىن.

«2018 -جىلدىڭ قازان ايىندا مەملەكەت باسشىسى ن. ءا. نازاربايەۆتىڭ تۇركىستان قالاسىنا رەسمي ساپارى بارىسىندا قوجا احمەت ياساۋي كەسەنەسىنە ارنايى ات باسىن بۇرىپ، ورتاعاسىرلىق قۇدىقتى حالىق يگىلىگىنە جاراتىپ، ىسكە قوسۋ تۋرالى تاپسىرما بەرگەنى بەلگىلى. وسىعان وراي، قۇدىق سۋىن تازارتۋ جۇمىستارى جۇرگىزىلىپ، سۋدىڭ قۇرامى بارلىق ءتيىستى ساراپتامالاردان ءوتىپ ءتيىستى قۇجاتتار دايىندالدى. قازاقستان رەسپۋبليكاسىنىڭ تاۋەلسىزدىك كۇنىنە وراي اتالمىش قۇدىق قايتا ىسكە قوسىلىپ، زيارات ەتۋشىلەر تاريحي قۇدىقتان ءشولىن سۋ ىشەتىن بولادى»، - دەدى قورىق- مۋزەي ديرەكتورى نۇربولات احمەتجانوۆ.

قۇدىق اينالاسى دوڭگەلەنە كىرپىشتەن قالانعان، ديامەترى-80  س م. بۇرىن سۋ 7-8 مەتر تەرەڭدىكتەن شىعاتىن بولسا، ال قازىر جەر استى سۋلارىنىڭ كوتەرىلۋىنە بايلانىستى سۋ 5-6 مەتر تەرەڭدىكتەن الىنادى.

اۆتور: اينۇر اقبايەۆا