اقتاۋدىڭ ەڭ سۇلۋ ارۋى انىقتالدى
بايقاۋ ۇيىمداستىرۋشىلارىنىڭ ايتۋىنشا، كاستينگكە 120 قىز كەلگەن. ونىڭ ىشىندە 20 قاتىسۋشى ىرىكتەلىپ، بايقاۋ فينالىنا جولداما العان.
اقىلى مەن كوركى جاراسقان سۇلۋلار 3 كەزەڭ بويىنشا سايىستى. العاشقىسى تانىستىرۋ، ەكىنشى كەزەڭدە ءوز ونەرلەرىن كورسەتىپ، ءۇشىنشى كەزەڭدە ءسان ۇلگىسىن كورەرمەن نازارىنا ۇسىندى.
ايتا كەتەيىك، بيىل 21-رەت وتكىزىلىپ وتىرعان بۇل سۇلۋلىق بايقاۋى تەك سىرتقى ادەمىلىكتى باعالاۋمەن شەكتەلمەيدى. ەڭ باستىسى - ارۋلاردىڭ تارتىمدىلىعى مەن وي-ساناسىن كوپشىلىككە كورسەتۋ. ارۋلاردىڭ اسەمدىگى مەن كوركەمدىگىن، تاپقىرلىعى مەن بىلگىرلىگىن باعالاۋ ءۇشىن ونەر، مادەنيەت سالالارىنان كەلگەن قازىلار القاسى تاعايىندالدى.
بايقاۋ قورىتىندىسى بويىنشا 20 ارۋدىڭ ىشىنەن سۋىرىلىپ شىققان ايگەرىم كارىبايەۆا ۆيتسە ميسس اقتاۋ اتانسا، ال YESSENOV UNIVERSITY تەڭىز اكادەمياسىنىڭ 2-كۋرس ستۋدەنتى دينارا ساريەۆا «ميسس اقتاۋ 2018» اتاعىن جەڭىپ الدى.