قانات يسلام جاستارعا جەتىستىككە جەتۋدىڭ جولدارىن ايتتى

استانا. قازاقپارات - قازاقستاندىق تانىمال بوكسشى قانات يسلام و ك ق- دە وتكەن بريفينگتەن سوڭ جالىندى جاستارعا اعالىق اقىلىن ايتىپ، تەك ەرەن ەڭبەك ارقىلى تولاعاي تابىسقا جەتۋگە بولاتىندىعىن ءتۇسىندىردى دەپ حابارلايدى Sputnik قازاقستان.

كاسىپقوي بوكستا ءساتتى ونەر كورسەتىپ جۇرگەن اتاقتى بوكسشىمىز قانات يسلام ەلىمىزدە جاستاردىڭ كوبىسى جاتىپ الىپ، بىرەۋگە باعا بەرگەندى جاقسى كورەتىنىن ايتتى. بوكسشى مۇنىڭ ءبارى ۋاقىتتى ولتىرەتىن فاكتور ەكەندىگىنە دە توقتالا كەتتى.

ول ەلىمىزدى دامىتاتىن جاستار ەكەندىگىن العا تارتىپ، ەڭ باستىسى جاستىقتىڭ قادىرىن ءبىلۋدى، جەتىستىككە ۇمتىلۋدى توقتاتپاۋدى، قاتەلىك جاساۋدان قورىقپاۋدى، «وتىزدا وردا بۇزباعاندار، قىرىقتا قامال المايتىندىعىن» ەرەكشە جەتكىزدى.

بوكسشىمىز سىلتاۋ ايتاتىنداردىڭ جەڭىسكە جەتۋى ەكىتالاي ەكەنىن العا تارتتى.

«سول ءۇشىن جاستاردى جىگەرلەندىرىپ، نامىسىن قايراۋ كەرەك. قاتەلەسۋدەن قورىقپاۋ كەرەك. جەڭىلىپ، اياققا قايتا تۇرىپ، جەڭىسكە جەتۋ كەرەك»، - دەپ ءسوزىن قورىتىندىلادى قانات يسلام.