نۇرسۇلتان نازاربايەۆ ادەبيەت جانە ونەر سالاسىنداعى مەملەكەتتىك سىيلىقتاردى تاپسىردى
اتاپ ايتقاندا اقىن تىنىشتىقبەك ابدىكاكىموۆكە «القوڭىر دۇنيە» ولەڭدەر مەن باللادالار جيناعى ءۇشىن؛ اقىن اقۇشتاپ باقتىگەرەي قىزى باقتىگەرەيەۆاعا «انا سىرى» ولەڭدەر مەن باللادالار جيناعى ءۇشىن، اقىن وتەگەن ورالباي ۇلى ورالبايەۆقا «شۋاقتى شاق» جىر جيناعى ءۇشىن بەرىلدى.
مۇنان بولەك، نۇرسۇلتان نازاربايەۆ ەكى اۆتورلىق ۇجىمعا دا مەملەكەتتىك سىيلىقتى تاپسىردى.
ناقتى ايتقاندا، تولەۋبەك نىعمەت ۇلى الپيەۆكە، الان اسقار ۇلى بورىبايەۆقا، سۇندەت ءابدىراحمان ۇلى بايعوجينگە، «استانا وپەرا» مەملەكەتتىك وپەرا جانە بالەت تەاترى» كوممەرتسيالىق ەمەس اكتسيونەرلىك قوعامىنىڭ شىعارماشىلىق ۇجىمىنا قاتىسۋشىلارعا «اباي» وپەراسى (ل. حاميدي، ا. جۇبانوۆ) ءۇشىن؛ اقان قارعامباي ۇلى ساتايەۆقا، ءاليا نۇرسۇلتان قىزى نازاربايەۆاعا، تيمۋر قازبەك ۇلى جاقسىلىقوۆقا، التىناي باۋىرجان قىزى نوگەربەككە، ءادىل ەرالى ۇلى احمەتوۆكە «اناعا اپارار جول» تولىقمەترلى كوركەم فيلمى ءۇشىن مەملەكەتتىك سىيلىق تاپسىرىلدى.
«نۇرسۇلتان ءابىش ۇلى، ۇلى دالانىڭ ەركىن داۋسىن تورتكۇل الەمگە ەستىرتۋ ءداۋىرى سىزدەي ۇلعا بۇيىرعانى تاعدىر سىيى ەكەنى راس. قاسيەتتى اتامەكەننىڭ وتكەن رۋحىن جاڭعىرتىپ، جاس ۇرپاق ساناسىندا جەتى قاسيەتىن قايتادان ەسىنە سالىپ، پاراساتپەن، ۇلىلىقپەن، ساياساتكەرلىكپەن جاڭا عاسىر كوشىنە جالعاپ وتىرعان ەڭبەگىڭىز الەمگە ايان. ءوز باسىم اتقا ءمىنىپ، دومبىرا تارتىپ وسكەن سەزىمتال جۇرەگىڭىزگە قايران قالاتىنىمدى جاسىرا المايمىن. ەرەكشە ادامسىز، ونەرى ۇلى بولماي مەملەكەت ۇلى بولمايدى. كىتاپ وقىلمايدى دەگەن بەكەر ءسوز. قازاق ادەبيەتىنىڭ جاۋھارلارىنىڭ الەمنىڭ بۇگىندە التى تىلىنە اۋدارىلا باستاۋى، الەم ادەبيەتىنىڭ وزىق ۇلگىلەرىنىڭ قازاق تىلىنە اۋدارىلىپ كەلۋى سوعان باستالعان ۇلى قادام دەپ بىلەمىز. ەركىندىكتىڭ كوك تۋىن قىران مىنەز قايسارلىعىڭىزبەن بيىكتەتە بەرەرىڭىزگە سەنىمدىمىز جانە تىلەكشىمىز»، - دەدى ەلباسى قولىنان مەملەكەتتىك سىيلىق العان اقۇشتاپ باقتىگەرەيەۆا.
