الماتىلىق قىز «الەم ارۋى» بايقاۋىنىڭ فينالىنا ءوتتى

 استانا. قازاقپارات - ۆيدەودان ءۇزىندى تايلاندتا «الەم ارۋى» بايقاۋى ءوتىپ جاتىر.

قازاقستاننىڭ اتىنان الماتىلىق سابينا ازىمبايەۆا ونەر كورسەتىپ جاتىر، - دەپ حابارلايدى Tengrinews.kz ءتىلشىسى.

جارتىلاي فينالدا قىزدار جاعاجايعا ارنالعان شومىلۋ كيىمىمەن ءجۇرىپ ءوتتى. قازاقستاندىق قىز شىققان ۋاقىتتا كورەرمەندەر ورنىنان تۇرىپ شاپالاق ۇرعان. سونىمەن قاتار، كەشكى كويلەكپەن شىعۋ كورسەتىلىمى باستالدى.

سابينا ازىمبايەۆا شلەيفى بار ەلەگانتتى كويلەكپەن شىقتى. تايلاندتا 10- جەلتوقساندا بايقاۋعا قاتىسۋشىسىلار ءتۇرلى-ءتۇستى، اسەرلى كيىمدەرىمەن دەفيلە كورسەتتى.

وندا 19 جاستاعى «الماتى ارۋى - 2017» سابينا ازىمبايەۆا التىن ادام بەينەسىندە شىقتى.

ايتا كەتسەك، كوستيۋمنىڭ سالماعى - شامامەن 30 كەلى. سابينا ازىمبايەۆا الماتى قالاسىندا 2000-جىلى 14- اقپانىندا دۇنيەگە كەلگەن. «تۇران» كوللەدجىن «اۋدارماشى جانە گيد» ماماندىعى بويىنشا ءتامامداعان.

2017-جىلى «الماتى ارۋى» بايقاۋىن جەڭگەن. سونداي-اق، «ۇيعىر ارۋى» سۇلۋلىق بايقاۋىنىڭ جەڭىمپازى. «الەم ارۋى» بايقاۋى 26- قاراشادا باستالدى. ەكى اپتا ىشىندە 95 ەلدەن كەلگەن قاتىسۋشىلار فوتوسەسسياعا، قايىرىمدىلىق اكسيالار مەن باسقا دا ءىس-شارالارعا قاتىستى. بايقاۋدىڭ اقتىق سىنى 17- جەلتوقساندا بولادى.