ەلباسى جازۋشى قابدەش جۇمادىلوۆتى «بارىس» وردەنىمەن ماراپاتتادى
اتاپ ايتقاندا، 1- دارەجەلى «بارىس» وردەنىمەن ەڭبەك ارداگەرى جانىبەك كارىبجانوۆ، «قازاقستان تەمىر جولى» ۇ ك» ا ق باسقارما ءتوراعاسى ساۋات مىڭبايەۆ ماراپاتتالدى. ال Ⅱدارەجەلى «بارىس» وردەنى «ۇلتتىق عىلىمي مەديتسينالىق ورتالىق» ا ق باسقارما ءتوراعاسى اباي بايگەنجينگە، جازۋشى قابدەش جۇمادىلگە جانە «قازاق ۇلتتىق ونەر ۋنيۆەرسيتەتى» ر م م پروفەسسورى سۇلتان ورازالىعا بەرىلدى.
وسى رەتتە نۇرسۇلتان نازاربايەۆ اباي بايگەنجيننىڭ ەلىمىزدىڭ مەديتسينا سالاسىن دامىتۋعا قوسقان ۇلەسىن وتە جوعارى باعالادى. ال قابدەش ءجۇمادىلوۆتىڭ شىعارمالارى الەمنىڭ بىرنەشە تىلىنە اۋدارىلىپ، قازاق ادەبيەتىنىڭ التىن قورىنا ەنگەنىن باسا ايتتى.
«تانىمال جازۋشىنىڭ تاريحي تاقىرىپقا جازىلعان شىعارمالارى وقىرماننىڭ يگىلىگىنە اينالدى»، - دەدى ەلباسى.
نۇرسۇلتان نازاربايەۆ Ⅲ دارەجەلى «بارىس» وردەنىنە يە بولعان «اگروفيرم «دييەۆسكايا» ج ش س باس ديرەكتورى ولەگ دانيلەنكونىڭ شارۋا قوجالىعى اسىل تۇقىمدى مال وسىرۋگە زور جەتىستىككە جەتىپ وتىرعانىن ايتتى.
مۇنان بولەك ءدال وسى وردەندى ورتالىق سايلاۋ كوميسسياسىنىڭ ءتوراعاسى بەرىك يماشيەۆ الدى.
اۆتور: مارلان جيەمباي