قانات يسلام: دارىگەرلەر رۇقسات بەرسە جەكپە-جەككە دايىنمىن

استانا. قازاقپارات - قازاقستاندىق كاسىپقوي بوكىسشى قانات يسلام (25-0، 20 ك و) استاناداعى ورتالىق كوممۋنيكاتسيالار قىزمەتىندە وتكەن بريفينگتە كارەراسىن جالعاستىرۋ تۋرالى ءمان-جايدى ايتتى، - دەپ حابارلايدى Vesti.kz.

وليمپيادا ويىندارىنىڭ قولا جۇلدەگەرى كاسىپقوي رينگكتە 2012-جىلدان باستاپ جۇدىرىقتاسا باستادى، الايدا، سوڭعى 15 ايدا رينگكە شىقپادى. جازدا قازاقستاندىق ا ق ش- تا جۇدىرىقتاسۋ كەرەك بولاتىن، ءبىراق، جاراقات الىپ قالعان ەدى.

«پروموۋتەر لوپەسپەن جۇمىس ىستەگەن كەز بولعان. ەندى ەگيس كليماسپەن كەلىسىمشارت جاساستىم. ءبىراق رينگكە شىعار الدىندا جاراقات الىپ قالدىم، ال دارىگەرلەر ەمدەلۋىمە جەتى- سەگىز اي قاجەت دەپ سەندىرگەن. ەگيس كليماسپەن سويلەستىم. ول مەن دايىن بولسام، ءبىر اي ىشىندە جەكپە-جەك ۇيىمداستىرىپ بەرە الاتىنىن ايتتى.

دارىگەرلەرمەن بايلانىستامىز. ولاردىڭ سوڭعى جاۋابىن كۇتىپ وتىرمىز. ءبىر اي ىشىندە جاۋابىن بەرۋ كەرەك»، - دەپ ءتۇسىندىردى بوكسشى.