نۇرسۇلتان نازاربايەۆ بارشا قازاقستاندىقتاردى تاۋەلسىزدىك كۇنىمەن قۇتتىقتادى

None
None
استانا. قازاقپارات - اقوردادا ەلباسى نۇرسۇلتان نازاربايەۆ ەلىمىزدىڭ ءوسىپ- وركەندەۋىنە زور ۇلەس قوسقان ءبىرقاتار ازاماتتى مەملەكەتتىك ناگرادالارمەن ماراپاتتاۋدا، دەپ حابارلايدى قازاقپارات ءتىلشىسى.

«بارشاڭىزدى ەلىمىزدىڭ ۇلىق مەرەكەسى تاۋەلسىزدىك كۇنىمەن شىن جۇرەگىممەن قۇتتىقتايمىن. بۇل ەگەمەن ەلىمىزدى دۇنيەجۇزىنە تانىتىپ، بار جاقسىلىقتىڭ باستاۋى بولعان قازاق ءۇشىن قاسيەتتى مەيرام. ءبىز 27 جىل بۇرىن ازاتتىق جالاۋىن جەلبىرەتىپ، بەرەكە- بىرلىگىمىزدىڭ ارقاسىندا مەرەيلى مەملەكەتكە اينالدىق. بيىل تاۋەلسىزدىكتىڭ سيمۆولىنا اينالعان استانانىڭ 20 جىلدىق مەرەيتويىن ابىرويمەن اتاپ وتتىك. يگى ءداستۇر بويىنشا تاۋەلسىزدىك كۇنى قارساڭىندا ەرەن ەڭبەگىمەن دارالانعان ەل ازاماتتارىنا قوشەمەت كورسەتەمىز. سىزدەر وسىنداي مەرەكەلى ءساتتى جوعارى ماراپات پەن مارتەبەلى اتاققا يە بولدىڭىزدار. ءارقايسىڭىز كوپشىلىكتىڭ قۇرمەتىنە بولەنىپ، ونەگەلى ىستەرىڭىزبەن جاڭا قازاقستاندى جاڭعىرتۋعا اتسالىسىپ جۇمىس ىستەدىڭىزدەر. سوندىقتان اقوردا تورىنە جينالعان بارشاڭىز ءۇشىن بۇگىن ەرەكشە مەرەيلى كۇن دەپ سانايمىز»، - دەدى سالتاناتى شارا بارىسىندا نۇرسۇلتان نازاربايەۆ.

مەملەكەت باسشىسى وسى جىلداردىڭ ىشىندە ەلىمىز بارلىق سالادا دا زور جەتىستىككە قول جەتكىزىپ وتىرعاندىعىنا باسا نازار اۋداردى. الەمنىڭ وزىق 30 ەلىنىڭ قاتارىنا قوسىلۋعا ۇمتىلاتىن قۋاتتى، مىعىم مەملەكەت قۇرعانىمىزدى اتاپ ءوتتى. مۇنىڭ بارلىعىنا بارشا قازاقستاندىقتىڭ جاسامپاز ەنەرگياسىنىڭ ارقاسىندا قول جەتكەنىن ايتتى.

اۆتور: مارلان جيەمباي

سوڭعى جاڭالىقتار