ەۋروپارلامەنت بالتىق تەڭىزىمەن رەسەيلىك گاز قۇبىرىنىڭ وتۋىنە قارسىلىق ءبىلدىردى

استانا. قازاقپارات - سونىمەن ەۋروپارلامەنت بالتىق تەڭىزى ارقىلى تارتىلاتىن گاز قۇبىرىنىڭ قۇرىلىسىنا قارسىلىعىن ءبىلدىردى.

رەسەيدىڭ باستاماسىمەن قولعا الىنعان جوبا ەۋروپاعا گازدى جەتكىزۋدى كوزدەيدى. الايدا ەۋروپارلامەنتتىڭ بۇدان باس تارتۋى تەگىن ەمەس. رەسەي ساياساتكەرلەرىنىڭ پىكىرىنشە، بۇل ىسكە ا ق ش- تىڭ قاتىسى بار.

ۆياچەسلاۆ ۆولودين، ر ف مەملەكەتتىك دۋماسىنىڭ ءتوراعاسى:

- ەۋروپارلامەنت ا ق ش- تىڭ قىسىمىمەن وسىنداي شەشىمگە كەلىپ وتىر. ايتا كەتەرلىگى، بۇعان دەيىن امەريكا كونگرەسى « سولتۇستىك اعىس-2» قۇرىلىسىنا قاتىسۋشى كومپانياعا بىرنەشە رەت سانكسيا سالامىز دەپ قوقان- لوققى كورسەتكەن. ودان كەيىن ەۋروپا ەلدەرىن ەكونوميكالىق تۇرعىدان ءتيىمدى جوبادان باس تارتۋعا ۇگىتتەۋگە كوشتى.

 رەسەي فەدەراتسياسى كەڭەسىنىڭ مۇشەسى يگور موروزوۆ بولسا، « ەۋروپارلامەنت قابىلداعان قارار تەك ۇسىنىستىق سيپاتقا يە» دەيدى. سوندىقتان حالىقارالىق كوممەرتسيالىق جوباعا ىقپالىن تيگىزۋى ەكىتالاي.

 يگور موروزوۆ، ر ف كەڭەسىنىڭ مۇشەسى:

 « ەۋروپارلامەنت ا ق ش- تىڭ ساياسي كوڭىل- كۇيىنە تاۋەلدى ورگانعا اينالعان. قۇراما شتاتتار ءاۋ باستان- اق جوبا قۇرىلىسىنا قارسى بولعان. كەرىسىنشە رەسەيلىك قۇبىر ارقىلى گاز جەتكىزۋ ەۋروپانىڭ ەنەرگەتيكالىق قاۋىپسىزدىگىن قامتاماسىز ەتەدى. ال، ۆاشينگتون ساياساتكەرلەرى بولسا ەۋروپا ەلدەرىنە ا ق ش- تىڭ قىمبات سۇيىتىلعان گازىن تىقپالاپ الەك».

 رەسەيلىكتەردىڭ بۇلاي دەۋىنە نەگىز جوق ەمەس. قاراشانىڭ 28- كۇنى اق ءۇيدىڭ باسپا ءسوز حاتشىسى بۇل جونىندە رەسمي مالىمدەمە جاساعان بولاتىن.

حيزەر ناۋەرت، مەملەكەتتىك باسقارمانىڭ باسپا ءسوز حاتشىسى:

- « سولتۇستىك اعىس -2» ءبىرقاتار ەل ارقىلى وتەتىن جىمىسقى جول. مەنىڭ ويىمشا، بۇل رەتتە ەۋروپا ەلدەرى بۇنىڭ قاجەتى جايىندا تارازىعا سالىپ، ويلانۋى ءتيىس. شىنىمەن دە، ولار سولتۇستىك اعىس -2 جوباسىن جالعاستىرعىسى كەلە مە؟ رەسەي ۇكىمەتىنە وسىنداي قولداۋ كورسەتۋگە دايىن با؟ بۇل جوبا ەڭ الدىمەن رەسەيگە ءتيىمدى. مىنە وسىنى دۇرىس تۇسىنگەندەرى ءجون.

ا ق ش تاراپىنىڭ بۇلاي دەۋى راسىمەن ەۋروپا ەلدەرىن ويلاندىرىپ تاستادى. رەسەيگە قارسى سانكسيالار سالۋدى ىنتالاندىرعان ا ق ش، ارينە ەۋروپانىڭ سولتۇستىك اعىس-2 جوباسىن قولداعانىن قالامايدى. وسى ورايدا، رەسەي پرەزيدەنتى ۆلاديمير پۋتين قىتايدىڭ ءىرى مەديا كومپانياسىنىڭ باسشىسىمەن سۇحباتىندا ءوز ويىن ءبىلدىردى.

 ۆلاديمير پۋتين، رف پرەزيدەنتى:

 - امەريكانىڭ ساياسي جەتەگىندە كەتكەن كەي ەلدەر ا ق ش- تىڭ قابىلداعان شەشىمىنەن وزدەرى- اق زارداپ شەكتى. ارينە، ولاردى مازاقتاپ وتىرعان جوقپىن. بىرەۋدىڭ قايعىسىنا قۋاناتىن جايىم جوق. دەگەنمەن، ا ق ش- تىڭ قولدانىپ وتىرعان ءتاسىلى ءتيىمسىز ەكەنىن دالەلدەدى. ەرتە مە، كەش پە، بۇل بارلىعىنا كەسىرىن تيگىزەدى. دەي تۇرعانمەن، ءبىز باتىس ەلدەرىمەن قارىم- قاتىناسىمىز جاقسارعانىن قالايمىز.

 سونىمەن داۋعا قالعان « سولتۇستىك اعىس - 2» جوباسى دەگەنىمىز نە؟

 ول رەسەيدىڭ لەنينگراد وبلىسىنان گەرمانيانىڭ گراسۆايلد ايماعىنا دەيىن تارتىلاتىن ەكى گاز قۇبىرىنىڭ قۇرىلىسى. رەسەيدىڭ باستاماسىمەن قولعا الىنعان قۇرىلىس بالتىق تەڭىزى ارقىلى جۇرگىزىلمەك. قوس قۇبىر جىلىنا 55 ميلليارد شارشى مەتر گاز جەتكىزە الادى. قۇرىلىستى جۇرگىزۋگە گەرمانيا، فينليانديا مەن شۆەتسيا رۇقساتىن بەرگەن. ەندى دانيادان رۇقسات الۋ عانا قالدى. رەسەيلىك جوبانى نەمىستەر ءاۋ باستان- اق قولداعان. گەرمانيا كانسلەرى انگەلا مەركەل ەلدىڭ ەنەرگەتيكا سالاسىنداعى ساياساتى ءارتاراپتى ەكەنىن قاداپ تۇرىپ ايتقان.

 بۇگىندە گەرمانيا گازدى نورۆەگيا، نيدەرلاند پەن رەسەيدەن الىپ وتىر. بولاشاقتا گازعا دەگەن سۇرانىس ارتا تۇسپەسە، كەمىمەيدى. كانسلەردىڭ بۇل ءسوزىن ەلدىڭ ەكونوميكا جانە ەنەرگەتيكا ءمينيسترى دە قوستايدى.

 پەتەر التمايەر، گەرمانيانىڭ ەكونوميكا جانە ەنەرگەتيكا ءمينيسترى:

 - « سولتۇستىك اعىس-2» جوباسىن ىسكە اسىرۋ ماڭىزدى دەپ بىلەمىز. سونداي- اق ۋكراينانىڭ بۇل رەتتە گەرمانيا مەن ەۋروپا ءۇشىن ماڭىزدى ترانزيتتى ەل بولعانىن قالايمىز.

گاز قۇبىرى قۇرىلىسىن جۇرگىزۋگە قارسى ەلدەردىڭ ءبىرى ۋكراينا. كەرچ بۇعازىنداعى جاعدايدان كەيىن ۋكراينالىقتار بۇل جونىندەگى ۇستانىمىن وزگەرتپەسى انىق.

www.24.kz