الەمگە تانىلعان قازاق قىزى ايشولپان قازاقستانداعى قۇسبەگىلەر تۋرنيرىنە كەلدى
بۋراباي اۋدانىنداعى «مايبالىق» دەمالۋ ايماعىندا ۇيىمداستىرىلعان حالىقارالىق تۋرنيرگە قىتاي، قىرعىزستان، يسپانيا، تۇركىمەنستان، موڭعوليا، ۆەنگريا، رەسەي جانە قازاقستاننىڭ ءار وڭىرىنەن كەلگەن 50 ساياتشى قاتىستى.
تاۋەلسىزدىك كۇنى قارساڭىندا ۇيىمداستىرىلىپ وتىرعان بۇل جولعى تۋرنيرگە قازاقستان رەسپۋبليكاسى جانە ازيا ەلدەرىنەن بۇركىت، يتەلگى، قارشىعا باپتاۋمەن اينالىساتىن مىقتى قۇسبەگىلەر كەلدى. تۋرنير بارىسىندا جارىس ەرەجەسى بويىنشا اڭشى قۇستاردىڭ قولعا قوندىرۋ، شىرعا تارتۋ ارقىلى العىرلىقتارى سىنالدى. اقتىق سىنعا شىققاندار قويان، تۇلكى جانە قاسقىر الۋعا سالىندى.
«مۇنداي دەڭگەيدەگى شارانى وتكىزۋ ەلباسى ن. ءا. نازاربايەۆتىڭ «ۇلى دالانىڭ جەتى قىرى» باعدارلامالىق ماقالاسىنداعى ويلارمەن ءتۇيىسىپ، وزەكتىلىگىن ارتتىرىپ وتىر. قازاقستان ۇزاق عاسىرلىق تاريحى مەن سالت- ءداستۇرى بار مەملەكەت سانالادى. ءبىز باي تاريحىمىز بەن ۇرپاقتان ۇرپاققا مۇرا بولىپ كەلە جاتقان اتا سالتىمىز، ۇلى دالانىڭ قاينار كوزى مەن رۋحاني بايلىعىن دارىپتەپ، وسكەلەڭ ۇرپاققا وتانسۇيگىشتىك پەن پاتريوتتىق تاربيە بەرۋىمىز كەرەك»، - دەدى ايماق باسشىسى مالىك مىرزالين تۋرنيرگە قاتىسۋشىلاردى قۇتتىقتاۋ سوزىندە.
تۋرنيردىڭ قۇرمەتتى قاتىسۋشىلارىنىڭ اراسىندا جاس بۇركىتشى رەتىندە كۇللى الەمگە تانىلعان موڭعولياداعى قازاق قىزى ايشولپان نۇرعايىپتىڭ بولۋى تۋرنيردىڭ كوركىن ودان سايىن اشا ءتۇستى.
ايشولپان سەگىز جاسىنان قۇسبەگىلىكپەن اينالىسادى. بۇركىتشىلىككە ونى اكەسى باۋلىعان. بۋرابايعا اكەسىمەن بىرگە كەلگەن.
«مەن بۋرابايدا ءبىرىنشى رەت كەلىپ وتىرمىن. تابيعاتى تاماشا ەكەن. كەلەر جىلى وتەتىن جارىسقا مىندەتتى تۇردە قاتىساتىن بولامىن»، دەيدى ايشولپان.
تۋرنير قورىتىندىسى بويىنشا ەڭ ۇزدىك قۇسبەگى اتاعى مەن باس جۇلدە اۆتوكولىك كوكشەتاۋ قالاسىنىڭ كراسنويار كەنتىندەگى رۋسلان تۇمۇرزينوۆكە بۇيىردى. 29 جاستاعى رۋسلان اقمولا وبلىسىنىڭ پ د قىزمەت ىستەيدى. قۇسبىگىلىكتەن بولەك، ول قازاقى اڭشى يتتەردى اسىراۋ جانە ۇلتتىق ويىن كوكپارمەن اينالىسادى. العان بۇدان كەيىن ورىندارعا جايعاسقان وزگە جۇلدەگەرلەرگە 2 ميلليون تەڭگەنىڭ سەرتيفيكاتى تاپسىرىلدى. ولاردىڭ اراسىندا ءبىرىنشى ورىن العان بۇركىتشى الماتى وبلىسىنان كەلگەن الماس سەيىتجان، «قارشىعامەن اڭشىلىق» اتالىمى بويىنشا الماستىڭ ءىنىسى ايان سەيىتجان، سۇڭۇقارمەن اڭ اۋلاۋدا تاعى ءبىر الماتىلىق مەدەت شولىپوۆ ۇزدىك اتاندى.
سونىمەن قاتار، جۇلدەلى ەكىنشى جانە ءۇشىنشى ورىنداردى جامبىل، اقمولا وبلىستارى جانە استانا قالاسىنىڭ وكىلدەرى ءوزارا ءبولىستى.
اۆتور: اسلان وسپانوۆ
