حان ابىلايعا اقمولا وبلىسىندا ەسكەرتكىش ورناتىلدى

كوكشەتاۋ. قازاقپارات- اقمولا وبلىسىنىڭ شورتاندى اۋدانىندا ابىلاي حانعا ەسكەرتكىش ورناتىلدى، دەپ حابارلايدى قازاقپارات ءتىلشىسى.

تاۋەلسىزدىك مەرەكەسى قارساڭىندا شورتاندى كەنتىندە ۇلى قولباسشىعا ورناتىلعان ەسكەرتكىشتىڭ اشىلۋى راسىمىنە اۋدان اكىمى گۇلنۇر سادۋاقاسوۆا، «نۇر وتان» پارتياسىنىڭ اۋداندىق فيليالى ءتوراعاسىنىڭ ورىنباسارى احمەديا قوجامسەيىتوۆ، اۋداندىق ماسليحات دەپۋتاتتارى، قوعام بەلسەندىلەرى، مەملەكەتتىك مەكەمەلەردىڭ باسشىلارى، ەڭبەك ارداگەرلەرى، جاستار جانە باق وكىلدەرى قاتىستى.

سالتاناتتى شارادا جينالعاندار ەسكەرتكىشكە گۇل دەستەلەرىن قويدى.

«ەسكەرتكىش قولادان ءمۇسىن رەتىندە قۇيىلعان. ال تۇعىرى گرانيتتەن جاسالعان»، - دەپ ءتۇسىندىردى اكىمدىكتىڭ باسپا ءسوز قىزمەتى.