بيىل شىققان ەڭ قاۋىپسىز اۆتوكولىكتەر
زەرتتەۋ جۇمىستارىندا ءتورت كاتەگوريانى باستى نازارعا العان. ساراپشىلار جۇمىسىنىڭ ناتيجەسى بويىنشا جاپوندار جاساعان Lexus ES 300h اۆتوكولىگى ەڭ قاۋىپسىز بولىپ سانالدى. تەمىر تۇلپار «ۇلكەن وتباسىلىق اۆتوكولىك» جانە «گيبريد پەن ەلەكتروكار» كاتەگوريالارى بويىنشا ۇزدىك شىققان. اۆتوكولىك جۇرگىزۋشى ءۇشىن %91 قاۋىپسىز دەگەن قورىتىندى جاريالاندى. سونداي- اق ساراپشىلار كولىكتىڭ قاۋىپسىزدىك جۇيەسىن%77 دەپ باعالاعان.
كروسسوۆەر كولىكتەر اراسىندا Hyundai Nexo ەڭ قاۋىپسىز دەپ تانىلدى. %94 جۇرگىزۋشى مەن جولاۋشىلارىنا قاۋىپسىز ەكەن. بالالاردىڭ قاۋىپسىزدىگى - %87، جاياۋ جۇرگىنشى جولىنا توقتاۋ - %67، ال ەلەكتروندى جۇيەسى% 80 بەن باعالانعان.
«كىشى وتباسىلىق كولىك» كاتەگورياسى بويىنشا Mercedes-Benz A- Class حەتشبەگى ۇزدىك شىقتى. بۇل اۆتوكولىك ءتۇرى جۇرگىزۋشىلەر مەن جولاۋشىلار ءۇشىن %96 قاۋىپسىز ەكەن. ايتا كەتەيىك، وسىعان دەيىن Insurance Institute for Highway Safety ماماندارى فارالارى ەڭ مىقتى اۆتوكولىكتەردىڭ رەيتينگىن جاريالاعان بولاتىن.
Massaget.kz