قازاقستاندا يپوتەكا راسىمدەۋ جەڭىلدەدى
«تۇرعىن ءۇي قۇرىلىس جيناق بانكىمەن» ، سبەربانكپەن، بانك سەنتر كرەديت بانكىمەن جانە قازاقستان يپوتەكالىق كومپانياسىمەن بىرگە اشىلعان ورتالىق نەسيە راسىمدەۋگە كەتەتىن ۋاقىتتى ايتارلىقتاي قىسقارتادى. ورتالىق حالىققا تۇرعىن ءۇي نەسيەسى بويىنشا قىزمەتتەردى كورسەتەدى جانە تۇرعىن ءۇي ساتىپ الۋعا بايلانىستى بارلىق ماسەلەلەردى ءبىر جەردە شەشۋگە مۇمكىندىك بەرەدى. ول «ءبىر تەرەزە» قاعيداتى بويىنشا جۇمىس ىستەيتىن بولادى جانە قۇجاتتاردى كليەنتتەر ءبىر كەڭسەدە جانە ءبىر رەت تاپسىرادى.
«جاڭا ورتالىق تۇرعىن ءۇي ماسەلەسىن پاتەرلەر مەن ۇيلەردىڭ كەڭ تاڭداۋىنىڭ ارقاسىندا عانا ەمەس، سونىمەن قاتار سەرۆيستى جاقسارتۋ جانە بارلىق كەزەڭدەردە - ءوتىنىم بەرۋدەن باستاپ يپوتەكالىق نەسيە الۋعا دەيىنگى يپوتەكالىق قارىزدى راسىمدەۋ ۋاقىتىن قىسقارتۋ ەسەبىنەن دە وڭاي جانە تەز شەشۋگە مۇمكىندىك بەرەدى. ءبىزدىڭ كليەنتكە ساۋالناما تولتىرۋ جانە قۇجاتتار پاكەتىن راسىمدەۋ ءۇشىن بانك كەڭسەلەرىنە قوسىمشا كەلۋدىڭ قاجەتى جوق» ، - BI Group حولدينگى باسقارما ءتوراعاسى امانگەلدى وماروۆ ايتىپ بەردى.
«قازاقستاننىڭ تۇرعىن ءۇي قۇرىلىس جيناق بانكى» ا ق ورتالىق فيليالىنىڭ ديرەكتورى جانسۇلتان ماتايەۆ مۇنداي ورتالىق پاتەر ساتىپ الۋشىلار ءۇشىن وتە ىڭعايلى ەكەندىگىن ايتتى.
«جىلجىمايتىن مۇلىكتى ساتىپ الۋ كەزىندە ءوز كليەنتىنىڭ جانىندا بولۋ، ول ءۇشىن پروسەستى بارىنشا ىڭعايلى جانە جايلى ەتۋ ماڭىزدى. NovaCity جانە Sunrise جوبالارى مىسالىندا تەك ءبىر اي ىشىندە قوسىمشا كەپىلسىز 130 پاتەر رەسىمدەلدى، بۇل حالىق ءۇشىن ماڭىزدى فاكتور بولىپ تابىلادى. ديەۆەلوپەر مەن بانكتىڭ سينەرگياسى سوڭعى پايدالانۋشى ءۇشىن ايتارلىقتاي ناتيجە بەرەدى» ، - دەدى ول.
ال «بانك سەنتركرەديت» ا ق باسقارما ءتوراعاسىنىڭ ورىنباسارى تيمۋر يشمۇراتوۆ ەلىمىزدە يپوتەكالىق نەسيە نارىعى ءوسىپ كەلە جاتقانىن اتاپ ءوتتى.
«قازىرگى ۋاقىتتا يپوتەكالىق نەسيە نارىعىنىڭ ءوسۋ قارقىنى بايقالادى. بۇل ءبىرقاتار مەملەكەتتىك باعدارلامالاردىڭ كومەگىمەن يپوتەكالىق قارىزدار ەل حالقىنىڭ باسىم بولىگىنىڭ قول جەتىمدى بولۋىنا بايلانىستى. ءبىز BI Group يپوتەكاسى ورتالىعىنىڭ اشىلۋىن قولدايمىز جانە جاڭا قۇرىلىم تۇرعىن ءۇي ماسەلەلەرىن شەشۋدە وڭ ىقپال ەتەتىنىنە سەنىمدىمىز» ، - دەدى ول.
كەزدەسۋ بارىسىندا حولدينگ پەن بانكتەر ىنتىماقتاستىق تۋرالى مەموراندۋمعا قول قويدى.
2017 -جىلى قازاقستاندا يپوتەكالىق نەسيە بەرۋ كولەمى 355,8 ميلليارد تەڭگەنى، اعىمداعى جىلدىڭ 10 ايىندا 410 ميلليارد تەڭگەنى قۇرادى. 2017 -جىلى BI Group-تان پاتەردى يپوتەكامەن العانداردىڭ پايىزدىق كورسەتكىشى 5,9, ال 2018 -جىلى - 6,8 پايىزدى قۇرادى. 2019 -جىلى كومپانيا بۇل كورسەتكىشتى 10-15 پايىزعا دەيىن ارتتىرۋدى جوسپارلاپ وتىر.
جاڭا يپوتەكا ورتالىعى 2018 -جىلدىڭ 20 جەلتوقسانىنان باستاپ سىعاناق كوشەسى 18/3, Viva Plaza بيزنەس ورتالىعىندا جۇمىسىن باستايدى.