18:27, 13 - جەلتوقسان 2018 | GMT +6
تەرروريزمگە قارسى ورتالىقتىڭ وتىرىسى ءوتتى
استانا. قازاقپارات - استانادا ۇلتتىق قاۋىپسىزدىك كوميتەتىنىڭ ءتوراعاسى كارىم ءماسىموۆ قازاقستان رەسپۋبليكاسى تەرروريزمگە قارسى ورتالىعىنىڭ كەزەكتى وتىرىسىن وتكىزدى.
بۇل تۋرالى قازاقپارات ۇقك باسپا ءسوز قىزمەتىنە سىلتەمە جاساپ حابارلايدى.
مەملەكەتتىك جانە جەرگىلىكتى اتقارۋشى ورگانداردىڭ باسشىلارى قارۋ مەن جارىلعىش زاتتاردىڭ راديكالدىق ورتاعا ءتۇسۋ جاعدايىن جويۋ بويىنشا شارالاردى قارادى.
2018 -جىلعى ت ق و جۇمىسىنا قورىتىندى جاسالىپ، كەلەسى جىلعا ارنالعان ءبىرىنشى كەزەكتەگى مىندەتتەر بەلگىلەندى.
ت ق و وتىرىسىنىڭ ناتيجەلەرى بويىنشا ءبىرقاتار حاتتامالىق شەشىمدەر قابىلداندى.