نەلىكتەن شايدى ەكى رەت قايناتۋعا بولمايدى؟

 استانا. قازاقپارات - كەيدە «شاي ىشەيىك» دەپ سۋ قايناتىپ، كەنەتتەن ءبىر شارۋا تابىلىپ، قولىمىز تيمەي قالادى.

بوساعان سوڭ وتتى قايتا جاعىپ، قايناتامىز. الايدا بۇل ادەت دەنساۋلىققا زيان. نەلىكتەن؟

قايناعان سوڭ سۋ قۇرامى وزگەرەدى. زياندى زاتتار بۋلانىپ، ۇشىپ كەتەدى. دەگەنمەن، ەگەر سۋ تىم ۇزاق نەمەسە ەكى رەت قايناتىلسا، قۇرامىنداعى حيميالىق قوسپالار وزگەرىپ، قاۋىپتى زاتتەكتەر بۋلانۋدىڭ ورنىنا، جينالا باستايدى.

كۇشان (مىشياك)

دەنساۋلىق ساقتاۋ بويىنشا الەم ۇيىمىنىڭ پايىمداۋىنشا، اۋىز سۋىنىڭ قۇرامىنداعى كۇشان حالىق دەنساۋلىعىنا زيان. ول اعزادا جينالىپ، ىشەك- قارىن جولى، پەريفەريالىق نەۆروپاتيا، جۇرەك قان تامىرلارى اۋرۋلارىن قوزدىرىپ، بۇيرەك قىزمەتىنە زياندى اسەر ەتىپ، تەرىنىڭ بۇزىلۋىنا، ديابەت نە ىسىك اۋرۋىنا اكەلىپ سوعۋى مۇمكىن.

نيترات

نيترات سۋدىڭ، اۋانىڭ قۇرامىندا بولادى. سۋ جوعارى تەمپەراتۋراعا دەيىن قايناسا، نيتراتتار كانتسەروگەندى نيتروزاميندەرگە اينالادى. بۇل زاتتەكتەر انالىق بەز، توق ىشەك، قۋىق قالبىرشاعى، ۇيقى بەزى، وڭەش پەن اسقازان ىسىكتەرىن قوزدىرۋى مۇمكىن.

فتور

سۋ قۇرامىنداعى فتور ادام اعزاسىنا زيان ەكەنىن عالىمدار بىرنەشە رەت دالەلدەگەن ەدى. اۋىز سۋىنىڭ قۇرامىنداعى فتوريد بالالاردىڭ ويلاۋ قابىلەتىن تومەندەتەتىنى تۋرالى زەرتتەۋ ناتيجەسى ءبىر عىلىمي- مەديتسينالىق جۋرنالدا جازىلعان ەدى. ال 2013 -جىلى جۇرگىزىلگەن زەرتتەۋدىڭ ناتيجەسىنە سۇيەنسەك، فتور تىشقاننىڭ تۋۋ مۇمكىندىگىن ازايتادى.

سۋ تەك ارتىق سالماقتان ارىلتىپ قانا قويماي، اعزاعا زيان ەتۋى مۇمكىن. سول سەبەپتى سۋدى ءبىر رەتتەن ارتىق قايناتپاڭىز. جانە بۇل اقپاراتتى جاقىندارىڭىز بەن دوستارىڭىزعا تاراتىڭىز.