نۇرسۇلتان نازاربايەۆ پرەزيدەنت بولۋدىڭ قيىندىعى تۋرالى ايتتى

 استانا. قازاقپارات - قازاقستان پرەزيدەنتى نۇرسۇلتان نازاربايەۆ مەملەكەت باسشىسى بولۋ قيىن با دەگەن سۇراققا جاۋاپ بەردى، دەپ حابارلايدى قازاقپارات.

ارحيۆتىك سۇحباتتىڭ ءۇزىندىسى ق ر پرەزيدەنتى تەلەراديوكەشەنىنىڭ الەۋمەتتىك جەلىدەگى پاراقشاسىندا جاريالاندى.

 «ناعىز كوشباسشى بولۋدىڭ قيىندىعى- ول سەنىڭ ءبارىن الدىن الا بولجاي ءبىلۋىڭ. سەن جەتەكتە جۇرگەن ەمەس، جەتەكتەۋشى ادامسىڭ. سوندىقتان قايدا جەتەلەپ كەلە جاتقانىڭدى ءبىلۋىڭ كەرەك. ارينە، قاسىڭدا يدەيا بەرىپ، جازىپ، تالداپ، ۇسىنىپ وتىراتىن كوپ كەڭەسشىلەرىڭ مەن كومەكشىلەرىڭ بولادى. ءبىراق ءوزىڭ شەشىم قابىلداۋىڭ كەرەك. ولار جازىپ بەرگەندەرى ءۇشىن جاۋاپ بەرمەيدى. شەشىم قابىلداپ، سول شەشىم ءۇشىن جاۋاپ بەرەتىن - پرەزيدەنت. پرەزيدەنتتىڭ جالعىز بولۋى دەگەن وسى. وندا ءوزىڭ عانا وتىرىپ، جۇمىس ىستەيسىڭ» ، - دەيدى نۇرسۇلتان نازاربايەۆ.