استانا- الماتى اۋە رەيسىندە ماس رەسەيلىك بۇلىك شىعاردى
«كولىك پوليسياسى تەكسەرۋ بارىسىندا رەسەي فەدەراتسياسىنىڭ 65 جاستاعى ازاماتىن انىقتادى. ماس كۇيدەگى ەركەك ءوزىن دورەكى ۇستاپ، بورسەرىكتەردىڭ ەسكەرتۋىنە قۇلاق اسپاعان. وسىلايشا ول جولاۋشىلاردىڭ تىنىشتىعىن بۇزعان. ءمان- جايدى انىقتاۋ ءۇشىن ول اتالعان اۋە رەيسىنەن ءتۇسىرىلدى» ، - دەلىنگەن كولىكتەگى پوليسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
ۆەدومستۆو اقپاراتىنا سايكەس، مەديتسينالىق كۋالاندىرۋ قورىتىندىسى بويىنشا رەسەيلىك ورتاشا دەڭگەيدە ماس بولعان. قۇقىق بۇزۋشىنىڭ ۇستىنەن ق ر اكىمشىلىك قۇقىق بۇزۋشىلىق تۋرالى كودەكسىنىڭ 440-بابى بويىنشا اكىمشىلىك حاتتاما تولتىرىلىپ، 5 ايلىق ەسەپتىك كورسەتكىش (12025 تەڭگە) كولەمىندە ايىپپۇل سالىندى.
ەستەرىڭىزگە سالا كەتسەك، وسى جىلدىڭ باسىنان بەرى ەلىمىزدىڭ اۋە جانە تەمىر جول كولىكتەرىندە كولىكتەگى پوليسيا دەپارتامەنتىنىڭ قىزمەتكەرلەرى 51317 قۇقىق بۇزۋشىنى اكىمشىلىك جاۋاپقا تارتتى. ولاردىڭ ىشىندە 6135 احامات قوعامدىق ورىنداردى ىشىمدىك ىشكەن نەمەسە ماس كۇيدە بولعان.