جايىق وزەنى ولگەن بالىقتاردان تازارتىلىپ جاتىر
بۇل تۋرالى اتىراۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى باسشىسىنىڭ ورىنباسارى ارمان مولداشيەۆ حابارلادى.
«الەۋمەتتىك جەلىدە تاراعان بەكىرە تۇقىمداس بالىقتاردىڭ قىرىلۋى تۋرالى بەينە ءبىر اپتا بۇرىن جايىق وزەنىندەگى بالىق شارۋاشىلىقتارىنىڭ بىرىندە تۇسىرىلگەن. بۇل جالپىعا بەلگىلى فاكت. بۇگىنگى كۇنى بالىقتىڭ قىرىلۋىنىڭ جاڭا فاكتىلەرى تىركەلگەن جوق. احۋال تۇراقتى. قازىرگى ۋاقىتتا مامانداردىڭ باعالاۋى بويىنشا سۋ بالىق ءۇشىن قاۋىپسىز. جوعارىدا اتالعان جاعداي بويىنشا قىلمىستىق ءىس تىركەلىپ، قازىرگى ۋاقىتتا جايىققا سۋ اعىزاتىن قۇرىلىستارى بار بارلىق كاسىپورىندارعا جوسپاردان تىس تەكسەرۋ جۇرگىزىلۋدە. ءبىز وزەندى ولگەن بالىقتان تازارتۋدى جالعاستىرۋدامىز» ، - دەدى ارمان مولداشيەۆ.
قازىرگى ۋاقىتتا ۆەدومستۆوارالىق كوميسسيا جايىقتا بالىقتىڭ جاپپاي قىرىلۋ سەبەپتەرىن انىقتاۋدا. بالىقتىڭ قىرىلۋ فاكتىسى بويىنشا ەكى قىلمىستىق ءىس قوزعالدى. ماماندار جاقىن ارادا جايىق وزەنىنە سۋ اعىزاتىن قۇرىلىستارى بار بارلىق كاسىپورىنداردى تەكسەرەدى. بۇعان دەيىن قوعامدىق دەنساۋلىق ساقتاۋ دەپارتامەنتىنىڭ ماماندارى حابارلاعانداي جايىق وزەنىنىڭ سۋى تۇرعىندار ءۇشىن قاۋىپسىز.