تۇركياداعى پويىز اپاتىنان قازاقستاندىقتار زارداپ شەككەن جوق - ەلشىلىك

استانا. قازاقپارات - تۇركياداعى پويىز اپاتىنان زارداپ شەككەن قازاقستان ازاماتتارى جوق. بۇل تۋرالى قازاقستاننىڭ تۇركياداعى ەلشىلىگىنەن ءمالىم ەتتى، دەپ حابارلايدى قازاقپارات ءتىلشىسى.

ەلشىلىك اقپاراتىنا سايكەس، 2018-جىلدىڭ 13- جەلتوقسانى كۇنى ساعات تاڭعى 06:30 دار شاماسىندا انكارا-كونيا باعىتىندا قاتىنايتىن جۇردەك پويىز انكارا قالاسىنداعى مارشانديز ستانساسىندا اپاتقا ۇشىراعان.

«تۇركيا رەسپۋبليكاسى دەنساۋلىق ساقتاۋ مينيسترلىگىنەن الىنعان اقپاراتقا سايكەس، اپاتتا قازا بولعان 8 جانە جاراقات العان 46 ادامنىڭ اراسىندا قازاقستان ازاماتتارى جوق. قازاقستاننىڭ تۇركياداعى ەلشىلىگى وپات بولعانداردىڭ وتباسىلارىنىڭ قايعىلارىنا ورتاقتاسىپ، جارالىلاردىڭ تەز ساۋىعىپ كەتۋىن تىلەيدى»، - دەلىنگەن حابارلامادا.

بۇعان دەيىن انكارا-كونيا جولاۋشىلار جۇردەك پويىزى ەنيماحاللە اۋدانىندا مارشانديز ستانساسىندا جەراستى جاياۋ وتپە جولىنا سوقتىعىسقانىن حابارلاعان ەدىك.