قانات يسلام الماتى اكىمى باۋىرجان بايبەكپەن كەزدەستى

None
None
الماتى. قازاقپارات - بەلگىلى كاسىپقوي بوكسشى قانات يسلام بۇگىن الماتى اكىمى باۋىرجان بايبەكتىڭ قابىلداۋىندا بولدى، دەپ حابارلايدى قازاقپارات ءتىلشىسى.

كەزدەسۋ بارىسىندا ولار سپورتتىڭ، اتاپ ايتقاندا كاسىبي بوكس سالاسىنىڭ دامۋى تۋرالى تالقىلادى.

«باۋىرجان بايبەك سپورت دامۋىن بارىنشا قولداۋ كورسەتىپ، وتاندىق سپورتشىلارعا جانكۇيەر بولىپ كەلەدى. قالالىق سپورت جانە دەنە شىنىقتىرۋ باسقارماسى الماتى اكىمدىگىنىڭ قولداۋىمەن، تاپسىرماسىمەن قالاداعى سالاۋاتتى ءومىر سالتىن ساقتاۋ مەن ناسيحاتتاۋ جولىندا بارلىق جاعداي جاساپ وتىر. الماتىلىقتاردىڭ سپورتپەن اينالىسۋىنا بارلىق ىڭعايلى ينفراقۇرىلىم جاسالعان. مەن باۋىرجان قىدىرعالي ۇلىنا ءوزىمنىڭ العا قويعان ماقساتتارىم مەن QazaqPromoutions پروموۋتەرلىك كومپانياسى تۋرالى ايتىپ بەرمەكپىن. ول كىسى كاسىبي بوكس سالاسىنداعى بارلىق جاڭالىقتاردى باقىلاپ وتىرادى. اللا قالاسا الماتى مەن باسقا دا قالالاردا كەلەسى جىلى بىرنەشە كاسىبي بوكس كەشىن ۇيىمداستىرامىز. ءبىزدىڭ پروموۋتەرلىك كومپانيا قازاقستان كاسىبي بوكسىن جوعارى دارەجەگە كوتەرەتىن ماسشتابتى جوبا ويلاستىرىپ جاتىر. مەن ءوز اتىمنان جانە Qazaq Promoutions اتىنان باۋىرجان قىدىرعالي ۇلىنا ۇلكەن العىس بىلدىرەمىن»، - دەدى قانات يسلام.

ايتا كەتۋ كەرەك، 16- جەلتوقسان - تاۋەلسىزدىك كۇنىنە وراي استانادا اۋقىمدى كاسىبي بوكس كەشىن وتكىزەدى.

شارا اياسىندا رينگكە رۋسلان مىرساتايەۆ، اسحات ءۋاليحانوۆ، ابىلايحان قۇسايىنوۆ، ايدار شارىبايەۆ پەن ەلشات نىعماتۋللا ۇلى سياقتى اتاقتى بىلعارى قولعاپ شەبەرلەرى شىعادى.

بوكس كەشىنىڭ باستى جەكپە-جەگى ەلشات نىعماتۋللا ۇلى مەن ازەربايجاندىق فاريد اليەۆ اراسىنداعى جەكپە-جەك بولماق. قازاقستاندىق بوكسشى WBC Asia تيتۋلىن قورعايتىن بولادى.

سوڭعى جاڭالىقتار