قازاقستان قىتايعا مىڭ توننا قوي ەتىن جەتكىزەدى
«قازاقستاننىڭ اۋىلشارۋاشىلىق ونىمدەرىن ەكسپورتتاۋشىلار قاۋىمداستىعى قىتايعا قوي ەتىنىڭ العاشقى پارتياسىن جەتكىزۋدى ۇيىمداستىردى. 2018-جىلعى 29- قاراشادا 16,3 توننا كولەمىندە مۇزداتىلعان قوي ەتىنىڭ كونتەينەرى قاراعاندى قالاسىنداعى تەمىرجول ۆوكزالىنان التىنكول وتكىزۋ بەكەتى ارقىلى ءۇرىمجى قالاسىنا قاراي جول تارتتى. 12- جەلتوقساندا كونتەينەر ءۇرىمجى-باتىس تەمىرجول ستانساسىندا ءتۇسىرىلدى. ۆەتەرينارلىق-زەرتحانالىق زەرتتەۋلەردەن كەيىن كونتەينەر گانسۋ پروۆينتسياسىنا جونەلتىلەدى»، - دەدى ق ر اۋىلشارۋاشىلىق ونىمدەرىن ەكسپورتتاۋشىلار قاۋىمداستىعىنىڭ ءتوراعاسى باۋىرجان باقشىلوۆ.
سونداي-اق، ەتتىڭ العاشقى پارتياسىن قارسى الۋ راسىمىنە ق ح ر شىڭجاڭ-ۇيعىر اۆتونوميالىق اۋدانىنداعى «ق ت ج» ۇ ك» ا ق وكىلدىگى باسشىسىنىڭ ورىنباسارى شىڭعىس ەسىركەپوۆ جانە Xinjiang KTZ International Logistics Co. كليەنتتەرمەن جۇمىس بويىنشا مەنەدجەرى سەيىتجانوۆ مۇحامەدجان قاتىستى.
«قاۋىمداستىقتىڭ جاساعان العاشقى كەلىسىمشارتىنىڭ كولەمى 300 توننانى قۇرايدى، ولار جاقىن ارادا جەتكىزىلەتىن بولادى. بۇدان باسقا، وسى شارت بويىنشا جەتكىزىلىمدەر اياقتالعاننان كەيىن قىتايعا مىڭ توننا قوي ەتى ەكسپورتتالادى»، - دەدى ب. باقشىلوۆ.
ەسكە سالا كەتەيىك، قازاقستاندىق وندىرۋشىلەر مۇزداتىلعان قوي ەتىنىڭ ەكسپورتىن ءتورت ەسەگە ۇلعايتتى. ەگەر 2016-جىلى تەك 190 توننا ەكسپورتتالسا، 2017-جىلى ەكسپورت كولەمى 900 توننانى قۇرادى نەمەسە 4,2 ەسەگە ءوستى.