روزا رىمبايەۆا: ديماشتىڭ داۋسىنداي مەن بىردە-ءبىر ەركەكتى تىڭداعان جوقپىن

 استانا. قازاقپارات - روزا رىمبايەۆا «ويباي life» باعدارلاماسىندا ديماش قۇدايبەرگەنگە قاتىستى پىكىرىن ايتىپ، ونى جەر كوككە سىيعىزباي ماقتادى.

حالىق ءارتىسى جاس ءانشىنىڭ زور داۋىسىنا ءتانتى بولعانى مەن ونداي داۋىستى بۇرىن سوڭدى ەستىمەگەنىن جەتكىزدى دەپ جازادى NUR. KZ.

«ديماش ەرەكشە ءانشى عوي. ەرەكشە قۇبىلىس دەۋگە بولادى. سەبەبى ونىڭ داۋسىنداي مەن بىردە-ءبىر ەركەكتى تىڭداعان جوقپىن. ونىڭ داۋسى ەر ازاماتتىكىنەن باستاپ، جوعارى سوپرانوعا دەيىن كەتىپ قالادى. بۇل تابيعي قۇبىلىس. وعان وسىنداي ەرەكشە داۋىس، تاڭداي بەرىلدى. سوندىقتان ول سونىمەن ەلدى تاڭعالدىرىپ ءجۇر»، - دەپ اعىنان جارىلدى ءانشى.

وعان قوسا، روزا رىمبايەۆا توي دەڭگەيىنەن شىعۋعا تالپىنبايتىن وتاندىق انشىلەردى سىنعا الدى.