10:41, 13 - جەلتوقسان 2018 | GMT +6
ىلە الاتاۋىندا كۇشىكتەرىن ەرتكەن قار بارىسى فوتوتۇزاققا ءتۇسىپ قالدى
الماتى. قازاقپارات - تۇڭعىش رەت ىلە الاتاۋىندا كۇشىكتەرىن ەرتكەن قار بارىسى فوتوتۇزاققا ءتۇسىپ قالدى، دەپ حابارلايدى قازاقپارات ءتىلشىسى.
«ىلە الاتاۋى» ۇلتتىق تابيعي پاركى ر م ك بيولوگ-اڭشىلارى قار بارىسىنىڭ ميگراتسيالىق جولىن كورۋ ءۇشىن 2018-جىلدىڭ قازانى مەن جەلتوقسانى ارالىعىندا فوتوتۇزاق قويعان بولاتىن.
فوتواپپاراتتار تاۋدىڭ جوعارعى جاعىنداعى شىرشا ورمانى اراسىندا ورناتىلعان ەدى.
جۇرگىزىلگەن جۇمىس بارىسىندا ىلە الاتاۋى ۇلتتىق پاركى ايماعىندا تاريحتا تۇڭعىش رەت بىرەگەي ۆيدەوماتەريال ءتۇسىرىلدى.
بەينەكادردا 3 جانۋاردىڭ تاۋ بەتكەيىن بويلاي ماڭعاز باسىپ كەتىپ بارا جاتقانى ءتۇسىپ قالعان. ۇلتتىق پارك ماماندارىنىڭ باعامداۋىنشا، كامەرانىڭ الدىنان ۇرعاشى بارىس 1,5 جاسار كۇشىكتەرىن ەرتىپ وتكەن.