تۇركيا سيريادا اسكەري وپەراتسيا وتكىزبەك
ونىڭ ايتۋىنشا، بۇل قادام سيرياداعى ساياسي جاعدايدى تۇراقتاندىرۋعا سەپتىگىن تيگىزەدى. جانە بەيبىت تۇرعىندار ءۇشىن اۋماقتى قاۋىپسىز ەتە تۇسەدى. سونداي- اق ەردوعان ول ايماقتاعى امەريكالىق اسكەريلەر وپەراتسيانى جۇرگىزۋگە كەدەرگى بولا المايتىنىدىعىن ايتتى. ازىرگە اق ءۇي بۇل جاعدايعا قاتىستى مالىمدەمە جاسامادى.
رەجەپ تايىپ ەردوعان، تۇركيا پرەزيدەنتى:
- ەفرات وزەنىنىڭ شىعىسىنداعى ايماقتى لاڭكەستىك ۇيىمداردان تازارتۋ وپەراتسياسىن جاقىن كۇندەرى باستايمىز. ءبىزدىڭ ماقساتىمىز - امەريكالىق اسكەريلەر ەمەس. ءبىز ەشقاشان ا ق ش- قا قارسى بولعان ەمەسپىز. ءبىزدىڭ نىسانامىز وڭىردەگى لاڭكەستىك ۇيىمدار.
ايتا كەتەيىك، ا ق ش پەن تۇركيا اراسىندا سيرياداعى ساياساتقا بايلانىستى بىرنەشە مارتە جانجال تۋىنداعان ەدى. سەبەبى ۆاشينگتون سيريانىڭ سولتۇستىك- شىعىسىن باقىلايتىن كۇرد جاساعىن قولدايدى. ال انكارا بولسا ولاردى «جۇمىسشى پارتيامەن» بايلانىسى بار لاڭكەستىك ۇيىم دەپ سانايدى.
www.24.kz