جىگىتىڭىزدىڭ بۇرىنعى سۇيىكتىسىن ۇمىتپاعانىن قالاي بىلۋگە بولادى؟

 استانا. قازاقپارات - جاقىندا عانا سۇيىكتىسىمەن ايىرىلىسقان جىگىتپەن كوڭىل قوسۋ وڭاي ەمەس.

ول ءوزىن قانشالىقتى باقىتتى كورسەتكەنىمەن، جۇرەگىن جاۋلاعان ارۋدىڭ ءالى ويىندا بولۋى مۇمكىن.

ەندەشە، سۇيىكتىڭىزدىڭ بۇرىنعى ماحابباتىن ۇمىتپاعانىن قالاي بىلۋگە بولادى؟ بۇل سۇراققا woman.rambler. ru سايتى جاۋاپ بەرەدى.

1. ول بۇرىنعى سۇيىكتىسىنىڭ ەسىمىن كوپ ايتادى

ول سىزگە حابارلاسقاندا بايقاۋسىزدا بۇرىنعى عاشىعىنىڭ اتىن ايتىپ قويادى نەمەسە ونى كوپ ەسكە سالادى.

2. ول بۇرىنعىداي بۇرىنعى قىزىنا رەنجيدى

كەي جۇپتار ۇرىس ءۇشىن ايىرىلىسقانىمەن ەموتسيونالدى تۇردە بايلانىستا بولادى. سول سەبەپتى، ول بۇرىنعى قارىم-قاتىناسىنداعى ماسەلەلەر تۋرالى ايتار بولسا، جىگىتىڭىزدىڭ جۇرەگى ءالى دە سول ارۋدىڭ قولىندا دەپ تۇسىنگەنىڭىز ابزال.

3. ول ەكس-سۇيىكتىسىن ءوزىنىڭ جاقىن دوسى دەپ قابىلدايدى

بۇرىنعى قىزىن تۋعان كۇنىمەن قۇتتىقتاۋ نەمەسە وعان حات جىبەرۋ ەشتەڭە بىلدىرمەيدى. الايدا ونىڭ بۇرىنعى عاشىعىمەن بايلانىس ۇستاپ تۇرۋى دۇرىس ەمەس دەۋگە بولادى.

4. ول سەنى بۇرىنعى عاشىعىمەن سالىستىرادى

ارينە، سەن ونىڭ بۇرىنعى قىزىنا قاراعاندا جاقسىراق ەكەنىڭدى ەستۋ جاقسى. الايدا ول ۇنەمى سەنى ەكس-ماحابباتىمەن سالىستىرا بەرەر بولسا، ونىڭ جۇرەگى سول قىزدا ەكەنىن تۇسىنگەنىڭىز ابزال.

6. ول بۇرىنعى قىزىنىڭ وتباسىنا ءالى دە جاقىن بولادى

ول بۇرىنعى سۇيىكتىسىنىڭ وتباسىمەن سويلەسىپ تۇرسا دا، قاي كەزدە قاتىناسىن توقتاتۋ قاجەت ەكەنىن تۇسىنە الۋ كەرەك.