09:10, 13 - جەلتوقسان 2018 | GMT +6
قوس كورەيا اراسىندا شەكارا بەكەتتەرى ازايدى
استانا. قازاقپارات - وڭتۇستىك كورەيا مەن كورەي حالىق دەموكراتيالىق رەسپۋبليكاسى اسكەريلەرى شەكاراداعى باقىلاۋ بەكەتتەرىن قارۋسىزداندىرۋ ناتيجەسىن تەكسەرىپ جاتىر.
بۇل تۋرالى وڭتۇستىك كورەيانىڭ ۇلتتىق قورعانىس مينيسترلىگى حابارلادى.
77 ماماننان قۇرالعان جۇمىس توبى بۇرىن كەدەن بەكەتى بولعان اۋماقتاردى ارالاپ شىقتى. جالپى بۇل ۇدەرىس كورەي تۇبەگىندەگى اسكەري شيەلەنىستى تۇراقتاندىرۋ ءۇشىن جاسالىپ وتىر. بەكەتتەردى قارۋسىزداندىرىپ، تۇبەگەيلى الىپ تاستاۋ كەلىسىمىنە ەكى ەلدىڭ قورعانىس مينيسترلەرى 19 - قىركۇيەكتە قول قويعان ەدى. ناتيجەسىندە ەكى ەل شەكاراسىندا ورنالاسقان 22 كۇزەت بەكەتىنىڭ كوزى جويىلدى.
www.24.kz