افينى قالاسىنىڭ ورتالىعىندا اتىس بولدى

استانا. قازاقپارات - افينى قالاسىنداعى ومونيا ورتالىق الاڭىنا جاقىن ماڭداعى كريتيس كوشەسىندەگى مەيرامحانادا اتىس بولدى.

بۇل تۋرالى سارسەنبىدە News Bomb پورتالى حابارلادى.

الدىن الا دەرەكتەر بويىنشا، وقىس وقيعا سالدارىنان ءبىر ادام قازا تاپقان.

ال ءوز كەزەگىندە Protothema گازەتى كۇدىكتىنىڭ قىلمىس ورنىنان موتوتسيكلگە ءمىنىپ ءىزىن سۋىتقانىن جازدى. كۋاگەرلەردىڭ ايتۋىنشا، كيللەردىڭ ءبىرى ادامدى باسىنان اتقان. مەرت بولعان - البانيا تۋماسى.

قۇقىق قورعاۋ ورگاندارى كەلەڭسىز جاعدايدى تەكسەرۋدە. باسىلىمنىڭ بولجامىنشا، قىلمىستىق توپتاردىڭ ءوزارا ەسەپ ايىرىسۋى ادام ولىمىنە ۇشىراتقان.