ستراسبۋرگتەگى اتىس قۇرباندارىن ەسكە الۋ: ەيفەل مۇناراسىنىڭ جارىعى سوندىرىلەدى

استانا. قازاقپارات - ستراسبۋرگ قالاسىندا بولعان اتىس سالدارىنان قازا تاپقانداردى ەسكە الۋ ءۇشىن سارسەنبى كۇنى تۇنگە قاراي ەيفەل مۇناراسىنىڭ جارىعى سوندىرىلەدى.

بۇل تۋرالى پاريج مەرى انن يدالگو مالىمدەدى، دەپ حابارلايدى قازاقپارات.

ەسكە سالا كەتسەك، سەيسەنبى كۇنى بەلگىسىز بىرەۋ ستراسبۋرگتەگى روجدەسۆولىق جارمەڭكە ماڭىندا وق جاۋدىرعان ەدى.

سوڭعى مالىمەتتەرگە قاراعاندا، اتىس سالدارىنان ءۇش ادام مەرت بولىپ، 13 ءى جارالانعان.

«ءبىز سارسەنبى كۇنى ءتۇن ورتاسىنا تامان ستارسبۋرگتەگى شابۋىل سالدارىنان مەرت بولعانداردى ەسكە الۋ ءۇشىن، سونداي-اق ولاردىڭ جاقىن-تۋىستارىن جانە ستراسبۋرگتىڭ بارلىق تۇرعىندارىن قولداۋ ءۇشىن ەيفەل مۇناراسىنىڭ جارىعىن سوندىرەمىز»، - دەپ جازدى پاريج مەرى Twitter-گە.