ەلباسى تۇركىستان قالاسىن دامىتۋ جونىندە كەڭەس وتكىزدى
جيىندى اشقان نۇرسۇلتان نازاربايەۆ تۇركىستان قالاسىندا قۇرىلىس جۇمىستارىن باستاۋ ءۇشىن شۇعىل شارالار قابىلداۋ قاجەتتىگىن ايتتى.
«تۇركىستان - بۇكىل حالقىمىز ءۇشىن قاسيەتتى قالا. ءبىز بۇل شاھاردى ودان ءارى دامىتۋ ماسەلەسىن جان- جاقتى تالقىلاپ، ءتيىستى تاپسىرمالار بەرىپ، قاجەتتى قاراجات بولدىك. ۋاقىت كەلدى، الايدا ەشقانداي جۇمىس باستالعان جوق. وبلىس ورتالىعىن سالۋ جونىندە بەلگىلەگەن جوسپاردى ورىنداۋعا كىرىسۋ كەرەك» ، - دەدى ەلباسى.
قازاقستان پرەزيدەنتى قالانىڭ اكىمشىلىك- ىسكەرلىك ورتالىعىن، تۇرعىن ۇيلەر الابىن جانە الەۋمەتتىك نىسانداردى سالۋ باسىم باعىت بولىپ سانالاتىنىن اتاپ ءوتتى.
جيىندا پرەمەر- ءمينيستردىڭ ءبىرىنشى ورىنباسارى ا. ءماميننىڭ، تۇركىستان وبلىسىنىڭ اكىمى ج. تۇيمەبايەۆتىڭ، مادەنيەت جانە سپورت ءمينيسترى ا. مۇحامەدي ۇلىنىڭ جانە حالىقارالىق ساۋلەت بايقاۋى كوميسسياسىنىڭ ءتوراعاسى ا. زىكىريننىڭ تۇركىستاننىڭ باس جوسپارىنىڭ تۇجىرىمداماسىن ىسكە اسىرۋ بارىسى، سونىڭ ىشىندە قالادا جاڭا نىساندار سالۋ جوسپارلارى تۋرالى باياندامالارى تىڭدالدى.
سوڭىندا مەملەكەت باسشىسى جاڭعىرتىلاتىن ەنەرگيا كوزدەرىن پايدالانۋدىڭ ماڭىزدىلىعىنا نازار اۋدارىپ، وبلىس ورتالىعىن ەنەرگيامەن جانە سۋمەن قامتاماسىز ەتۋ سالالارىن جاقسارتۋعا قاتىستى ءبىرقاتار ناقتى تاپسىرما بەردى.