تۇركىستان وبلىسىندا قوياننىڭ قانىمەن، باقانىڭ جەلىمەن ەمدەيتىن ەمشى تۇرادى

 استانا. قازاقپارات - تۇركىستان وبلىسىندا جاڭا سويىلعان قوياننىڭ قانىمەن، باقانىڭ جەلىمەن ەمدەيتىن كىسى تۇرادى. ەمشى كىسى ەمدەۋ جولىنىڭ قىر- سىرىن ايتىپ بەردى.

اۋىلىنا ەمشى رەتىندە تانىلعان مەدەتبەك سۇلەيمەن ۇلى جولشيەۆ ماقتارال اۋدانى مىڭجاسار اتا اۋىلىندى تۇرادى، دەپ جازادى زامانا.

مەدەتبەك سۇلەيمەن ۇلى ءوزىنىڭ ايتۋى بويىنشا، بالا كۇنىنەن سىنىقشى بولعان. بۇل قاسيەت اتا- باباسىنان قان ارقىلى بەرىلگەن ەكەن. كەيىن ەمشىلىك جولعا ءتۇسىپ، ءتۇرلى ادىسپەن ناۋقاستاردى اۋرۋىنان ايىقتىرعان.

ول سايد يۋلداش ءاليدىڭ «مەن ەمشىمىن» اتتى كىتابىن وقىپ، ءبىراز ماعلۇمات العان. ەمدى سول بويىنشا جۇرگىزەدى.

«بىردە ابدەن اۋىرىپ، قۇر سۇلدەرى قالان جىگىت كەلدى. تۋىستارىنىڭ اپارماعان جەرى جوق. تەرىسى دەنەسىنە جابىسىپ ارىقتاپ قالعان. مەن وعان جابايى قوياندى سويىپ، باسىن تومەن قاراتىپ قانىن ءىش دەدىم. قوياننىڭ قانىن جىلى كۇيىندە ءىشۋ كەرەك. قوياندى ءىلىپ قويىپ، استىنا جاتىپ جۇتسا دا بولادى. ناۋقاس جىگىت سولاي جاسادى. بىرنەشە اي ايتقانىمداي جاساپتى. ودان بولەك اسقاباقتى شيكىلەي جە دەدىم. كەيىننەن تۋىستارى جىگىتتىڭ اۋرۋىنان جازىلىپ، جاقسارعانىن ايتتى»، - دەيدى ەمشى.

ەمشى قوياننىڭ قولعا ۇيرەتىلگەنىن ەمەس، جابايى ءتۇرىپ سويىپ، قانىن ءىشۋ كەرەك ەكەنىن ەسكەرتتى.

«ال، باقانىڭ جەلىن قالقانشا بەز اۋرۋىن (زوب) ەمدەۋ ءۇشىن قولدانامىن. مۇنى ءوز جاقىندارىما دا ىستەپ كوردىم. ناتيجەسى بولدى. كەلىنىم زوب اۋرۋىمەن اۋىراتىنىن ايتتى. مەن كوكتەم شىققاندا سۋ باقالارىن ۇستاپ اكەلىپ، جەلىن كەلىنىمە جۇتقىزدىم. باقانى تەرىس قاراتىپ، ءىشىن باسسا جەلى شىعادى. وسىدان سوڭ كەلىنىمنىڭ اۋىردىم دەگەنىن ەستىمەدىم. سۋ باقالارىنىڭ ۋى بولمايدى»، - دەيدى مەدەتبەك سۇلەيمەن ۇلى.

ەمشى قاتەرلى ىسىكتىڭ العاشقى ساتىسى كەزىندە كولبار جىلانىمەن ەمدەي الاتىنىن ايتتى.

«جىلانمەن ەمدەۋ جولىن دا بىلەم. قاتەرلى ىسىكتەن ايىقتىرۋ ءۇشىن 12 جىلاندى تۇتىنۋ كەرەك. ول ءولىپ قالعان تورلاردى اشىپ، اۋرۋدان ايىقتىرادى»، -  دەيدى ەمشى.

Stan.kz