قازاقستان اۋعانستانعا ازىق- تۇلىك جەتكىزەتىن نەگىزگى ەلدەردىڭ ءبىرى بولماق

None
None
استانا. قازاقپارات - ەلباسى نۇرسۇلتان نازاربايەۆ ب ۇ ۇ قاۋىپسىزدىك كەڭەسى اياسىندا قازاقستاننىڭ اۋعانستان ماسەلەلەرىن شەشۋگە ەكپىن قويىپ وتىرعانىن ءمالىم ەتتى، دەپ حابارلايدى قازاقپارات ءتىلشىسى.

 «قازاقستان مەن اۋعانستان اراسىنداعى بايلانىستار دوستىق پەن ءوزارا تۇسىنىستىك رۋحىندا ىلگەرىلەپ كەلەدى. ەلىمىز اۋعانستانداعى جاعدايدى تۇراقتاندىرۋعا، ونى الەۋمەتتىك- ەكونوميكالىق تۇرعىدان دامىتۋعا ءوز ۇلەسىن قوسۋدا. بۇۇ قاۋىپسىزدىك كەڭەسىنىڭ مۇشەسى رەتىندە اۋعانستان ماسەلەلەرىن شەشۋگە اتسالىسىپ كەلەمىز»، - دەدى پرەزيدەنت قازاقستانعا جاڭادان تاعايىندالعان ەلشىلەردەن سەنىم گراموتاسىن قابىل الۋ سالتاناتتى شاراسىندا.

سونىمەن قاتار مەملەكەت باسشىسى كابۋلعا جىل سايىن قارجىلاي، تەحنيكالىق، گۋمانيتارلىق كومەك كورسەتىلىپ جاتقانىن ەسكە سالدى.

«اۋعان جاستارىنا ارنالعان ءبىلىم بەرۋ باعدارلاماسى جۇزەگە اسىرىلۋدا. سونىمەن قاتار ءبىز كابۋلعا ازىق- تۇلىك تاۋارلارىن جەتكىزەتىن نەگىزگى ەلدەردىڭ ءبىرى بولۋعا ءازىرمىز»، - دەدى نۇرسۇلتان نازاربايەۆ.

بۇدان بۇرىن حابارلانعانداي، مەملەكەت باسشىسىنا اۋعانستان ەلشىسى موحامماد فراحاد ازيمي، قىرعىزستان ەلشىسى جەەنبەك كۋلۋبايەۆ، ليتۆا ەلشىسى گينتاۋتاس ۆاسيۋليس، يران ەلشىسى مادجيد سامادزادە سابەر، ارمەنيا ەلشىسى گاگيك گالاچيان سەنىم گراموتاسىن تابىس ەتتى.

اۆتور: رۋسلان عابباسوۆ

سوڭعى جاڭالىقتار