قازاقستاندا تاياۋ كۇندەرى كۇن جىلىنادى

استانا. قازاقپارات - 13-15- جەلتوقساندا قازاقستان اۋماعىندا اۋا تەمپەراتۋراسى جوعارىلايدى، ءبىراق تۇمان مەن كوكتايعاق سول كۇيى قالادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

سينوپتيكتەردىڭ اقپاراتىنا سايكەس، قازاقستانعا رەسەيدىڭ ەۋروپالىق بولىگىنىڭ وڭتۇستىك اۋداندارىنان اتموسفەرالىق اۋا اعىندارىمەن بىرگە تسيكلون كەلەدى. سوعان بايلانىستى قار جاۋۋى ىقتيمال. ال، وڭتۇستىكتە - نوسەر، قار ارالاس جاڭبىر جاۋادى جانە تۇمان ءتۇسىپ، كوكتايعاق بولادى.

كۇندىزگى اۋا تەمپەراتۋراسى وڭتۇستىكتە جانە وڭتۇستىك-شىعىستا پليۋس 3...13°س، سولتۇستىك جانە شىعىس وبلىستاردا مينۋس 3...13°س- قا دەيىن كوتەرىلەدى.