كوزى ەرەكشە كوك ءتۇستى بالاقاي جەلى قولدانۋشىلارىن تاڭىرقاتتى

 استانا. قازاقپارات - تايلاندتىق ۆنايدا پيلاچاي الەۋمەتتىك جەلىدەگى پاراقشاسىنا ازيالىق بالانىڭ فوتوسىن جۇكتەپ، مىڭداعان ادامنىڭ نازارىن اۋدارتتى.

كوپشىلىك ءبۇلدىرشىننىڭ كوك ءتۇستى كوزىنە تاڭىرقاي قاراعان دەپ حابارلايدى Coconuts Bangkok سايتىنا سىلتەمە جاساعان NUR. KZ.

ازيالىق تۇرعىندار ءۇشىن كوك ءتۇستى كوزدەر سيرەك كەزدەسەتىن قۇبىلىس. سول سەبەپتى بالانىڭ كوزى ايرىقشا كورىنىپ، وزگەلەردەن ەرەكشەلەنىپ تۇرادى.

بىرنەشە كۇندە اتالعان سۋرەتكە الەۋمەتتىك جەلىدە 10 مىڭعا جۋىق قولدانۋشى «ءلۇپىل» باسىپ، ءوز پاراقشالارىندا بولىسكەن.

فوتو اۆتورى بالاعا مۇنداي كوز اتاسىنان بەرىلگەن دەيدى. كەيبىر جاندار «كوزىنىڭ ءتۇسى ءدال وسىنداي بولۋى مۇمكىن ەمەس، لينزا تاعىپ العان» دەپ سەنبەيدى ەكەن.

جەلى قولدانۋشىلارى كوزىنىڭ ءتۇسى ەرەكشە بالانى فوتوعا ءتۇسىرىپ، جۇرتقا تانىستىرعان بويجەتكەنگە العىس ايتۋدا.

اتالعان سۋرەتكە قاتىستى جەرگىلىكتى ۋنيۆەرسيتەتتىڭ ۇستازى، بيولوگ جانە گەنەتيك مامان دجەسسادا دەندۋانگبوريپانتتا ءوز پىكىرىن بىلدىرگەن.

ماماننىڭ ايتۋىنشا، ازيالىقتاردىڭ مۇنداي كوك كوزدى اتانۋى ОСА2 گەنىنىڭ مۋتاتسياعا تۇسۋىنەن بولادى، بۇل تۇقىم قۋالايدى ەكەن.