ترامپ: شەكارانى نىعايتۋعا قارجى بولىنبەسە، ۇكىمەت جۇمىسى توقتايدى
پرەزيدەنت بۇل تۋرالى مالىمدەمەسىن كونگرەستىڭ وكىلدەر پالاتاسىنداعى دەموكراتيالىق پارتيا ليدەرلەرى نەنسي پەلوسي جانە چاك شۋمەرمەن كەزدەسكەننەن كەيىن جاسادى.
ا ق ش پرەزيدەنتىنە قارسىلىق تانىتقان دەموكرات كونگرەسمەندەر قۇرىلىستى قارجىلاندىرۋدى توقتاتىپ تاستاعان. ولار قۇرىلىسقا تەك 1,3 ميلليارد دوللار بولەتىندەرىن ايتادى.
دەموكراتتار ا ق ش شەكاراسىنىڭ قاۋىپسىزدىگىن قولداعانىمەن، قوماقتى كولەمدە قارجى بولۋگە قارسى بولعان. ەگەر كونگرەسستىڭ قوس پالاتاسى دا بيۋدجەتتى قولداماسا، وندا مەملەكەتتىك مەكەمەلەر جۇمىسىن توقتاتۋعا ءماجبۇر بولادى.
ترامپتىڭ پرەزيدەنت سايلاۋى الدىندا زاڭسىز ميگراتسيانى توقتاتۋ ءۇشىن مەكسيكامەن اراداعى شەكاراعا قابىرعا تۇرعىزۋعا ۋادە بەرگەن. ءساۋىر ايىندا پرەزيدەنت ۇلتتىق گۆاردياعا شەكارانى ميگرانتتار اعىمىنان قورعاۋدى بۇيىرعان. قازىر شەكارانى ەكى مىڭعا جۋىق گۆاردياشىلار قورعاپ تۇر.
ا ق ش پرەزيدەنتى تامىز ايىندا قابىرعا قۇرىلىسىنا 3,5 ميليارد دوللار بولىنگەنىن مالىمدەگەن. ول قۇرىلىس ناتيجەسىندە كەيبىر اۋدانداردا ميگرانتتار اعىمى 90 پايىزعا ازايعانىن ايتقان.
www.azattyq.org