ا ق ش وكىلى: ليۆانداعى بىتىمگەرلىك ميسسيا - قازاقستان تاراپىنان جاسالعان ماڭىزدى قادام

None
None
استانا. قازاقپارات - ليۆانداعى بىتىمگەرلىك ميسسيا - قازاقستان تاراپىنان جاسالعان ماڭىزدى قادام بولىپ تابىلادى.

ا ق ش مەملەكەتتىك حاتشىسىنىڭ وڭتۇستىك جانە ورتالىق ازيا ىستەرى جونىندەگى كومەكشىسىنىڭ ءبىرىنشى ورىنباسارى ەليس ۋەللس بۇگىن استانادا وسىنداي پىكىر ءبىلدىردى، دەپ حابارلايدى «قازاقپارات» ح ا ا ءتىلشىسى.

«قازاقستان ورتالىق ازيا ەلدەرىنىڭ اراسىندا بەيبىت باستامالارعا قاتىسقان ءبىرىنشى مەملەكەت بولعانىن كوردىك. سونىڭ ىشىندە، بۇل ليۆانداعى باستاماعا قاتىستى. بۇل قازاقستان تاراپىنان جاسالعان وتە ماڭىزدى قادام، ول ءسىزدىڭ مەملەكەتىڭىزدىڭ كوشباسشىلىق ءرولىن تاعى ءبىر كورسەتىپ وتىر»، - دەدى ەليس ۋەللس قازاقستان-امەريكا كەڭەيتىلگەن ستراتەگيالىق سەرىكتەستىك جونىندەگى كوميسسيانىڭ كەزەكتەگى وتىرىسىنىڭ قورىتىندىسىنا ارنالعان بريفينگتە.

ەسكە سالا كەتەيىك، اعىمداعى جىلدىڭ قازان ايىندا 120 دان استام قازاقستاندىق اسكەري ليۆانعا بىتىمگەرلىك ميسسيامەن اتتاندى. بۇدان باسقا، ەليس ۋەللس قازاقستاننىڭ قاۋىپسىزدىكتى قامتاماسىز ەتۋ، لاڭكەستىكپەن كۇرەس، سونداي-اق اۋعانستانعا كومەك كورسەتۋدەگى تۇراقتى ساياساتىن اتاپ ءوتتى.

سوڭعى جاڭالىقتار