جەڭىلىپ كورمەگەن قازاقستاندىق بوكسشى تيتۋلدىق اتاققا تالاسادى

استانا. قازاقپارات - تاراز بوكس مەكتەبىنىڭ جەڭىلىپ كورمەگەن تۇلەگى نۇرسۇلتان جاڭابايەۆ (5-0، 4 ك و) 23- جەلتوقسان كۇنى ماسكەۋدەگى «كرىليا سوۆەتوۆ» سپورت كەشەنىندە وتەتىن كاسىپقوي بوكس كەشىندە ءبىرىنشى ورتا سالماق ساناتىنداعى WBC Asia وڭىرلىك تيتۋلى ءۇشىن رينگكە شىعادى، دەپ حابارلايدى قازاقپارات Sports.kz-كە سىلتەمە جاساپ.

قازاقستاندىق سپورتشىنىڭ ايتۋىنشا، ول بۇكىل الەمدىك بوكس كەڭەسىنىڭ تيتۋلىن فيليپپيندىك اسا تاجىريبەلى بوكسشى ارنەل تينامپەيمەن (25-22-1، 11 ك و) ساراپقا سالادى.

ايتا كەتەيىك، ءبىر كەزدەرى تينامپەي ۆيتالي دەميانەنكومەن دە رينگكە شىعىپ، تورەشىلەردىڭ شەشىمىمەن جەڭىلگەن بولاتىن.

ەسكە سالايىق، وسىنىڭ الدىندا رەسەيدىڭ ۆلاديمير قالاسىندا وتكەن جەكپە-جەگىندە نۇرسۇلتان جاڭابايەۆ تانزانيالىق 25 جاستاعى كۋلۆا بۋشيريدى تەحنيكالىق نوكاۋتپەن جەڭگەن.