گولوۆكين مەن «كانەلو» پروموۋتەرلەرى ءۇشىنشى ايقاسقا وراي پىكىرلەرىن ءبىلدىردى

استانا. قازاقپارات - گەننادي گولوۆكيننىڭ (38-1-1، 34 ك و) پروموۋتەرى توم لەففلەر جانە ساۋل الۆارەستىڭ (50-1-2، 34 ك و) پروموۋتەرى ەريك گومەس ءۇشىنشى جەكپە-جەك وتكىزۋگە لاس-ۆەگاستاعى T- Mobile Arenaنىڭ 2019-جىلى 4- مامىرعا بروندالعانى جايلى اقپاراتقا بايلانىستى تۇسىنىك بەردى، دەپ حابارلايدى Sports.kz.

«ءبىز بۇل داتانى كەيىنگە شەگەردىك. ولار (گولوۆكيننىڭ كومانداسى) تەك توپشىلايدى. ءبىز «كانەلو» ءۇشىن 4- مامىرداعى كەزدەسۋدى كەيىنگە قالدىردىق»، - دەپ اتاپ ءوتتى گومەس.

«بۇل كۇندى ءبىز ەمەس، Golden Boy سۇراعان بولاتىن»، - دەپ تولىقتىردى لەففلەر.

اتاپ وتسەك، گولوۆكين مەن «كانەلونىڭ» العاشقى جانە ەكىنشى ايقاسى لاس-ۆەگاستاعى T- Mobile Arena دا وتكەن ەدى. ال قازىرگى ۋاقىتتا نيەۆادا شتاتىنىڭ سپورتتىق كوميسسياسىنىڭ سايتىندا Golden Boy Promotions جانە GGG Promotions ۇيىمداستىرعان بوكس كەشىنىڭ 2019-جىلدىڭ 4- مامىرىندا بولاتىندىعى كورسەتىلگەن.