قازاق تىلىندە جاڭا پىكىرتالاس الاڭى ىسكە قوسىلادى
بۇل تۋرالى قازاقپارات پارتيانىڭ باسپا ءسوز قىزمەتىنە سىلتەمە جاساپ حابارلايدى.
#NurOtanPikir الاڭىنىڭ ءبىرىنشى وتىرىسىنىڭ تاقىرىبى - «تاۋەلسىزدىگىمىزدىڭ رۋحاني نەگىزدەرى». ول ەلباسى ن. ءا. نازاربايەۆتىڭ «ۇلى دالانىڭ جەتى قىرى» باعدارلامالىق ماقالاسى جانە «رۋحاني جاڭعىرۋ» باعدارلاماسىندا باياندالعان ستراتەگيالىق مىندەتتەردى جۇزەگە اسىرۋعا ارنالادى.
اشىق كەزدەسۋگە سپيكەرلەر رەتىندە ق ر پارلامەنتى ءماجىلىسىنىڭ دەپۋتاتى نۇرتاي ءسابيليانوۆ، ساياساتتانۋشى ايدوس سارىم، «ساكرالدى قازاقستان» عىلىمي-زەرتتەۋ ورتالىعىنىڭ باسشىسى بەرىك ءابدىعالي ۇلى، سونىمەن قاتار مەملەكەت قايراتكەرى شىڭعىس مۇقان شاقىرىلعان. شارا جۇرگىزۋشىسى - تۇركى اكادەمياسى حالىقارالىق ۇيىمىنىڭ پرەزيدەنتى، «ەگەمەن قازاقستان» رەسپۋبليكالىق گازەتى» ا ق باسقارما ءتوراعاسى دارحان قىدىرالى.
#NurOtanPikir پىكىرتالاس الاڭى قازاقستاندىق قوعامنىڭ ەڭ وزەكتى تاقىرىپتارى بويىنشا زاماناۋي فورماتتا پىكىر الماسۋ ءۇشىن قۇرىلعان. وندا قازاقستاندىقتاردىڭ رۋحاني جانە ۇلتتىق سانا- سەزىمى، مەملەكەتتىك ءتىل مەن ۇلتتىق مادەنيەتتى دامىتۋ ماسەلەلەرىنە ەرەكشە نازار اۋدارىلاتىن بولادى.
ايتا كەتەيىك، «نۇر وتان» پارتياسى تۇراقتى نەگىزدە Facebook الەۋمەتتىك جەلىسىندەگى پارتيانىڭ رەسمي پاراقشالارىندا تىكەلەي ەفيردە تاراتىلاتىن #NurOtanTrends جانە #NurOtanTalks سىندى باسقا دا ديالوگتىق پلاتفورمالاردى جۇزەگە اسىرۋدا.