ق ر پرەزيدەنتى «التىن ساپا» جانە «پارىز» سىيلىقتارىن تابىس ەتتى

 استانا. قازاقپارات - بۇگىن يندۋستريالاندىرۋ كۇنى اياسىندا مەملەكەت باسشىسى نۇرسۇلتان نازاربايەۆ ق ر پرەزيدەنتىنىڭ «التىن ساپا» جانە «پارىز» سىيلىقتارىنىڭ جەڭىمپازدارىن ماراپاتتادى، دەپ حابارلايدى قازاقپارات.

«يندۋستريالاندىرۋ ساياساتىن تابىستى ءارى ناتيجەلى جۇزەگە اسىرۋ - بارشامىزدىڭ ورتاق مىندەتىمىز بولىپ وتىر. ءبىز بۇل تۇرعىدا ءوز كاسىپكەرلەرىمىزگە زور سەنىم ارتىپ، اۋقىمدى جەتىستىكتەر كۇتەمىز جانە سول ءۇشىن كومەكتەسىپ تە جاتىرمىز. وتاندىق بيزنەس وكىلدەرى ۇلتتىق ەكونوميكانىڭ تىرەگى جانە نەگىزگى قورعاۋشى كۇشى. بۇگىن ءبىز «التىن ساپا» ، «پارىز» ۇلتتىق كونكۋرستارىندا جەڭىسكە كاسىپكەرلەرىمىزدى ماراپاتتايىق دەپ وتىرمىز. وسى كونكۋرستىڭ ارقاسىندا كوپتەگەن كومپانيالار نارىقتا تانىمال بولىپ، جەمىستى جۇمىس اتقارىپ ءجۇر. سونداي- اق، بيزنەس جۇرگىزۋ جەڭىلدىگى رەيتينگىندە وڭىرلەر بويىنشا ءبىرىنشى ورىن العان وبلىس جانە اۋدان باسشىلارىن اتاپ وتەمىز. ەلىمىزدى وركەندەتۋگە ۇلەس قوسقان ەڭبەككەرلەردى، بارلىق جەڭىمپازداردى شىن جۇرەگىمنەن قۇتتىقتايمىن» ، - دەدى مەملەكەت باسشىسى نۇرسۇلتان نازاربايەۆ يندۋستريالاندىرۋدىڭ ەكىنشى بەسجىلدىعى اياسىنداعى جالپى ۇلتتىق تەلەكوپىردە.

سونىمەن بيزنەستىڭ الەۋمەتتىك جاۋاپكەرشىلىگىندەگى رەسپۋبليكالىق «پارىز» سىيلىعىنىڭ باس جۇلدەسى، ق ر پرەزيدەنتىنىڭ گران- پريى «قازتسينك» كومپانياسىنا تابىستالدى.

بۇدان بولەك، پرەزيدەنتتىڭ «التىن ساپا» سىيلىعىنىڭ «ەڭ ۇزدىك يندۋستريالدىق جوبا» اتالىمىندا «AZALA Textile» ج ش س، ال «ۇزدىك يننوۆاتسيالىق جوبا» اتالىمى بويىنشا «KazTechInnovations» جشس توپ جارىپ، ەلباسىنىڭ قولىنان «التىن ساپا» سىيلىعىن الدى.

 «AZALA Textile» ج شس  ماقتا- ماتا ءونىمنىڭ حالىقارالىق ءوندىرۋشىسى رەتىندە تانىتتى. كومپانيا ەكسپورتىنىڭ ۇلەچى 65 پايىزعا جەتكەن. «KazTechInnovations» جشس بىرەگەي كوزىلدىرىكتەردى شىعارادى. بۇل قۇرىلعىلار 360 گرادۋس رەجىمدە بەينە ءتۇسىرىلىم جاساۋعا مۇمكىندىك بەرەدى.

مۇنىمەن قوسا، رەيتينگ قورىتىندىسى بويىنشا قولايلى جاعداي جاساۋدا ۇزدىك اۋدان اتاعىن باتىس قازاقستان وبلىسى تەرەكتى اۋدانى يەلەندى.

سونداي- اق، بيزنەس جۇرگىزۋگە جاعداي جاساعان ۇزدىك ءوڭىر رەتىندە قىزىلوردا وبلىسى تانىلدى.