ەلورداعا كەلەتىن گاز باعاسى قانشا بولادى

استانا. قازاقپارات - الداعى جىلى «سارىارقا» گاز قۇبىرىنىڭ ماگيسترالى ارقىلى استاناعا كەلەتىن كوگىلدىر وتىننىڭ ورتاشا باعاسى بەلگىلى بولدى.

 بۇل تۋرالى ق ر ەنەرگەتيكا ۆيتسە- ءمينيسترى ماعزۇم مىرزاعاليەۆ ورتالىق كوممۋنيكاتسيالار ورتالىعىندا وتكەن باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات ءتىلشىسى.

«ارينە گاز كومىرگە قاراعاندا قىمباتتاۋ بولادى. قازىرگى گاز تۇتىنۋشىلار نارىعىنىڭ باعاسىمەن ەسەپتەسەك، گازدىڭ ءار تەكشە مەترى 47-50 تەڭگە بولادى. سالىستىرار بولساق، بۇگىندە ەلىمىزدىڭ وڭتۇستىك وڭىرىندە گازدىڭ ءار تەكشە مەترى 33-35 تەڭگەنى قۇرايدى. دەمەك، استانادا گاز قىمباتقا تۇسەدى. ەلىمىزدى گازداندىرۋ جۇمىسىنىڭ ناتيجەسى كورسەتكەندەي، تۇرعىندار كومىردەن گازعا ەشقانداي كەدەرگىسىز كوشۋدە. ستاتيستيكاعا سۇيەنسەك، ءبىر ءۇيدى گازعا قوسۋ جۇمىسىنا 150 مىڭ مەن 500 مىڭ تەڭگە ارالىعىندا جۇمسالادى» ، - دەدى م. مىرزاعاليەۆ.

ەنەرگەتيكا ۆيتسە- ءمينيسترىنىڭ ايتۋىنشا، 2019 -جىلدىڭ 1- توقسانىندا ەلورداعا گاز تارتاتىن ج ە و-1 جانە ج ە و-2 كەشەندەرىنىڭ قۇرىلىسى باستالادى. ول بويىنشا الدىمەن استانانىڭ كوكتال جانە وڭتۇستىك- شىعىس شاعىن اۋداندارى كوگىلدىر وتىنمەن قامتىلاتىن بولادى.

«جىلۋ بەرۋ ماۋسىمى بويىنشا ەسەپتەسەك، جەكە تۇرعىن ءۇي ءۇشىن اي سايىن 520 تەكشە مەتر گاز قاجەت، ياعني ول ايىنا 25 مىڭ تەڭگەنى قۇرايدى. ال جاز مەزگىلدەرىندە جىلۋسىز 5,5 مىڭ تەڭگەگە باعالانادى. جالپى ورتاشا ەسەپپەن الساق، اي سايىن جەكە تۇرعىن ءۇي ءۇشىن گازدىڭ باعاسى 15,5 مىڭ تەڭگەگە شىعادى» ، - دەدى ول.

بۇعان دەيىن حابارلاعانىمىزداي، «سارىارقا» ماگيسترالدىق گاز قۇبىرى قىزىلوردا- جەزقازعان- قاراعاندى- تەمىرتاۋ- استانا قالالارىنان بولەك، ماگيسترال بويىندا ورنالاسقان 117 ەلدى مەكەندى كوگىلدىر وتىنمەن قامتيتىن بولادى.