ەلىمىزدە ۇشاقپەن جۇك تاسىمالداۋ جەڭىلدەيدى
« Freight جوباسى - ول جۇكتەردىڭ اۋە تاسىمالى سالاسىندا قاعازسىز قۇجات اينالىمىنىڭ اقپاراتتىق جۇيەسى. جاڭا قىزمەت ترانزيتتىك جۇك اينالىمىندا قازاقستاننىڭ اۋە كەڭىستىگىنىڭ تارتىمدىلىعىن كوتەرەدى. سونىمەن قاتار، ەلىمىزدەگى اۋە تاسىمالداۋشىلاردىڭ باسەكەگە قابىلەتتىلىگىن ارتتىرادى. بۇل جوبا جۇكتەردى راسىمدەۋ ۋاقىتىن ازايتادى» ، - دەدى «TransInfoTech» ج ش س باقىلاۋ كەڭەسىنىڭ ءتوراعاسى ساجار راحمەتجانوۆ.
ءوز كەزەگىندە «قازپوشتا» ا ق «وڭتۇستىك» اقپاراتتىق- لوگيستيكالىق ورتالىق باسشىسى ەلجان قاسىموۆ فۋلفيلمەنت- ورتالىقتار تۋرالى باياندادى.
«قۇرمەتتى نۇرسۇلتان ءابىش ۇلى! 2017 -جىلى «قازپوشتا» قۋاتتىلىعى تاۋلىگىنە 120 مىڭ سالەمدەمەنى سۇرىپتاي الاتىن اۆتوماتتاندىرىلعان جەلىنى ىسكە قوستى. بيىلعى جىلى ەلەكتروندى كوممەرتسيا ورتالىقتارى جۇمىس ىستەي باستادى. ۇلتتىق پوشتا وپەراتورى الەمدىك ينتەرنەت- دۇكەندەرگە كەشەندى قىزمەت ۇسىنا الادى. ەلەكتروندى كوممەرتسيا نارىعىندا 42 مىڭ جاڭا جۇمىس ورنى اشىلدى. قازاقستاندا ەلەكتروندى ساۋدانى دامىتۋعا باعىتتالعان بۇكىل ينفراقۇرىلىم قالىپتاسقان. بۇگىندە استانا، الماتى مەن اقتوبەدە فۋلفيلمەنت- ورتالىقتار جۇمىسىن باستاۋعا دايىن. ولاردىڭ جوبالىق قۋاتتىلىعى جىلىنا 8 ميلليون سالەمدەمە. ال بولجامدى ەكونوميكالىق اسەرى 3,6 ميلليارد تەڭگەنى قۇراپ وتىر. قازىر «قازپوشتا» ا ق اتالعان ورتالىقتاردى ىسكە قوسۋعا دايىن» ، - دەدى ە. قاسىموۆ.
بۇدان بولەك، جالپىۇلتتىق تەلەكوپىر بارىسىندا «قازترانسويل» كومپانياسىنىڭ سيفرلاندىرىلعان ديسپەتچەرلىك ورتالىعى دا جۇمىسىن باستادى. قۇرىلعان digital جۇيە قازاقستاندا مۇناي تاسىمالىن باسقارۋعا مۇمكىندىك بەرەدى. ونلاين رەجيمىندە باس ديسپەتچەرلىك باسقارۋ مۇنايدى قابىلداۋ مەن وتكىزۋدى ىسكە اسىرىپ، شيكىزاتتى مۇناي وڭدەۋ زاۋىتتارىنا باعىتتايدى.
«سيفرلىق قازاقستان - قۋاتتى قازاقستاننىڭ مۇمكىندىكتەرىن بىلدىرەدى. وسى جاڭا مۇمكىندىكتەرمەن سىزدەردى قۇتتىقتايمىن. ىسكە قوسۋعا رۇقسات بەرەتىن» ، - دەدى مەملەكەت باسشىسى نۇرسۇلتان نازاربايەۆ.