قازاقستاندا مەتاللپلاستيكا بۇيىمدارىن شىعاراتىن زاۋىت جۇمىسىن باستادى
زاۋىت جۇمىسىن باستاۋعا بۇگىن ЕХРО كونگرەسس- ورتالىعىندا ءوتىپ جاتقان «يندۋستريالاندىرۋدىڭ ەكىنشى بەسجىلدىعى: قازاقستاندا جاسالعان» اتتى جالپى ۇلتتىق تەلەكوپىر بارىسىندا ەلباسى نۇرسۇلتان نازاربايەۆ رۇقسات بەردى، دەپ حابارلايدى قازاقپارات ءتىلشىسى.
«اسا قۇرمەتتى نۇرسۇلتان ءابىش ۇلى! ءبىزدىڭ كەشەننىڭ قۋاتى ەلىمىزدىڭ ءىرى مەگاپوليسىنىڭ بۇكىل قالدىق كولەمىن قايتا وڭدەۋگە مۇمكىندىك بەرەدى. الماتى ءۇشىن ەكولوگيا ماسەلەسىن شەشۋ - ادامداردىڭ ءومىر ساپاسىن جاقسارتۋدىڭ باسىمدىقتى مىندەتتەرىنىڭ ءبىرى. ءبىز تەك قانا ەڭ زاماناۋي تەحنولوگيالىق شەشىمدەردى قولدانىپ، الدىڭعى قاتارلى الەمدىك تاجىريبەنى پايدالانا بەرەتىن بولامىز» ، - دەدى «ەl Invest Company» ج ش س ديرەكتورلار كەڭەسىنىڭ ءتوراعاسى ەدگار سالدۋزي.
اد «رادۋگا» ج ش س مەتاللپلاستيكا بۇيىمدارى زاۋىتىنىڭ ديرەكتورى ەۆگەني لي قايتالاما پوليمەرلەردى قايتا وڭدەۋ جانە حالىق تۇتىناتىن اسا قاجەتتى تاۋارلار شىعاراتىن مەتاللپلاستيكا بۇيىمدارى زاۋىتى اتتى جاڭا جوبانى اياقتاعاندىقتارىن اتاپ ءوتتى.
«شەكارالىق جاعدايىمىزدى ەسكەرە وتىرىپ، جاڭا زاۋىتتىڭ بارلىق ءونىمىنىڭ 20 پايىزىن ەكسپورتقا شىعارامىز» ، - دەگەن ول ەلباسىنان ءوندىرىس وشاعىن ىسكە قوسۋدى ءوتىندى.
ق ر پرەزيدەنتى بۇل ءوندىرىس وشاقتارىنىڭ وتە ماڭىزدى ەكەندىگىن اتاپ ءوتتى جانە ىسكە قوسۋعا رۇقسات بەردى.