تاۋەلسىزدىك كۇنى «استانا وپەرادا» ۇلتتىق مۋزىكانىڭ جاۋھارلارى شىرقالادى
مەرەكەلىك كەشكە «استانا وپەرا» سيمفونيالىق وركەسترى، استانا قالاسى مەملەكەتتىك فيلارمونياسىنىڭ حالىق اسپاپتار وركەسترى جانە «استانا وپەرا» تەاترىنىڭ كونسەرتتىك حورى، استانانىڭ مەملەكەتتىك فيلارمونياسى مەن قازاق ۇلتتىق ونەر ۋنيۆەرسيتەتىنىڭ حورى قاتىسادى.
ساحنادا كلاسسيكالىق ۆوكال شەبەرلەرى، «استانا وپەرا» تەاترىنىڭ سوليستەرى، قازاقستاننىڭ ەڭبەك سىڭىرگەن قايراتكەرلەرى دينا حامزينا، جانات شىبىقبايەۆ، جان تاپين، ارمەنيانىڭ حالىق ءارتيسى بارسەگ تۋمانيان، حالىقارالىق بايقاۋلاردىڭ لاۋرەاتتارى ايزادا قاپونوۆا، تالعات گالەيەۆ، بولات ەسىمحانوۆ، تاتيانا ۆيسينسكايا، سالتانات مۇراتبەكوۆا، گۇلجانات ساپاكوۆا، مادينا يسلاموۆا، نازىم ساعىنتاي، ەلەنا گانجا، رامزات بالاكيشيەۆ جانە تاعى دا باسقا ونەر يەلەرى ەلوردا تۇرعىندارى مەن قوناقتارىنىڭ نازارىنا ۇلتتىق مۋزىكا، قازاقستان حالىقتارىنىڭ اندەرى، وپەرا كلاسسيكتەرىنىڭ جارقىن تۋىندىلارى، سونداي-اق شەتەلدىك كومپوزيتورلاردىڭ تانىمال تۋىندىلارىن ۇسىنادى.
«قازاقستان رەسپۋبليكاسىنىڭ تاۋەلسىزدىك كۇنى - ەلىمىزدىڭ ءاربىر ازاماتى ءۇشىن ەڭ ماڭىزدى مەرەكە. تاۋەلسىزدىك ءبىزدىڭ حالقىمىز ءۇشىن ايرىقشا ماڭىزعا يە. ءبىز قازاقستان دامۋىنىڭ جاڭا كەزەڭىنىڭ باستالۋىنا كۋا بولدىق. سونداي-اق، قازاقستاندىق مادەنيەت پەن ونەردىڭ وركەندەۋىنە كۋا بولىپ كەلە جاتقانىمىزدى اتاپ وتكىم كەلەدى. ەلباسى نۇرسۇلتان نازاربايەۆتىڭ دانا جانە كورەگەن ساياساتىنىڭ ارقاسىندا قازاقستان تۇرعىندارى بۇگىن ۇلكەن پەرسپەكتيۆاعا يە»، - دەدى ماەسترو رۋسلان بايمۋرزين.
كونسەرت ساعات 17:00-دە باستالماق.