باقىتجان ساعىنتايەۆ «التىن ساپا» سىيلىعىن تابىستادى
بيىل ۇزدىك كاسىپورىن اتاعى ءۇشىن شاعىن، ورتا جانە ءىرى بيزنەستىڭ 182 ۇمىتكەر سايىسقا ءتۇستى. لاۋرەاتتار «وندىرىستىك ماقساتتاعى ۇزدىك كاسىپورىن»، «حالىققا ارنالعان تاۋار شىعاراتىن ۇزدىك كاسىپورىن»، «قىزمەت كورسەتەتىن ۇزدىك كاسىپورىن» جانە «ازىق-تۇلىك تاۋارلارىن جانە اۋىل شارۋاشىلىعى ونىمدەرىن شىعاراتىن ۇزدىك كاسىپورىن» اتالىمدارى بويىنشا انىقتالدى. ناتيجەسىندە ۇكىمەت باسشىسى ءىرى كاسىپكەرلىك سۋبەكتىلەردەن «سەماز» ج ش س (شىعىس قازاقستان وبلىسى)، ورتا كاسىپكەرلىك سۋبەكتىلەردەن «ALUGAL» ج ش س (الماتى وبلىسى)، شاعىن كاسىپكەرلىك سۋبەكتىلەردەن «ورال ساۋدا- ونەركاسىپ كومپانياسى» ج ش س-ىن (باتىس قازاقستان وبلىسى) ماراپاتتادى.
سونداي-اق «حالىققا ارنالعان تاۋارلار شىعاراتىن ۇزدىك كاسىپورىن» اتالىمىندا ءىرى كاسىپكەرلىك سۋبەكتىلەردەن «رادۋگا» ج ش س (سولتۇستىك قازاقستان وبلىسى)، ورتا كاسىپكەرلىك سۋبەكتىلەردەن «بال تەكستيل» ج ش س (تۇركىستان وبلىسى)، شاعىن كاسىپكەرلىك سۋبەكتىلەردەن «Novacom Technology» ج ش س (جامبىل وبلىسى) جەڭىسكە جەتتى.
«قىزمەت كورسەتەتىن ۇزدىك كاسىپورىن» اتالىمىندا ءىرى كاسىپكەرلىك سۋبەكتىلەردەن «مىرزا-حان» ج ش س (استانا)، ورتا كاسىپكەرلىك سۋبەكتىلەردەن «تەمىرجول كولىگىندەگى قازاقستاندىق سەرتيفيكاتتاۋ ورتالىعى» ج ش س (استانا)، شاعىن كاسىپكەرلىك سۋبەكتىلەردەن «بيكادا» ج ش س (ماڭعىستاۋ وبلىسى) جەڭىمپاز دەپ تانىلدى.
«ازىق-تۇلىك جانە اۋىل شارۋاشىلىعى ونىمدەرىن شىعاراتىن ۇزدىك كاسىپورىن» اتالىمىندا ءىرى كاسىپكەرلىك سۋبەكتىلەردەن «رىبپروم» ج ش س (الماتى وبلىسى)، ورتا كاسىپكەرلىك سۋبەكتىلەردەن «بيجان» ەت وڭدەۋ كەشەنى» ج ش س (الماتى ق. )، شاعىن كاسىپكەرلىك سۋبەكتىلەردەن «گورمولزاۆود» ج ش س (اقمولا وبلىسى) ۇزدىك شىقتى.
