گولوۆكيننىڭ باپكەرى «كانەلومەن» ءۇشىنشى ايقاستى كەيىنگە قالدىرعانىن مالىمدەدى

None
None
استانا. قازاقپارات - قازاقستاندىق بوكسشى گەننادي گولوۆكيننىڭ (38-1-1، 34 ك و) باپكەرى ابەل سانچەس مەكسيكالىق ساۋل الۆارەسپەن (50-1-2، 34 ك و) بولاتىن ءۇشىنشى ايقاس تۋرالى جانە ونى باسقا قالاعا اۋىستىرۋ جايلى پىكىرىمەن ءبولىستى، دەپ حابارلايدى Sports.kz.

گولوۆكيننىڭ «كانەلومەن» ءبىرىنشى ايقاسى دا، ەكىنشى جەكپە-جەگى دە لاس-ۆەگاستاعى (ا ق ش) T- Mobile Arena-دا ءوتىپ، داۋلى ناتيجەلەرمەن اياقتالعان ەدى: ءبىرىنشى جەكپە- جەكتە تەڭ ناتيجە بولسا، ەكىنشى ايقاستا تورەشىلەردىڭ باسىم داۋىسىمەن «كانەلو» جەڭىسكە جەتكەن.

- كوپتەگەن ادامدار گولوۆكيننىڭ ءۇشىنشى رەت «كانەلومەن» ۆەگاستا ايقاسپاۋىن ايتىپ جاتىر...

- كەيدە اقشا مەن قارجىلىق تالاپتارعا بايلانىستى ۆەگاس جالعىز قولجەتىمدى نۇسقا سانالادى. بوكسشىلاردىڭ قايدا جۇدىرىقتاساتىنىن پروموۋتەرلەر شەشەدى.

- جانكۇيەرلەر بۇل جەكپە-جەكتى نيۋ-يوركتە كورگىلەرى كەلەدى...

- 2019-جىلى سول جەردە بولادى دەپ ۇمىتتەنەمىن. جاعدايدىڭ قالاي بولاتىنىن ءبىلۋ مۇمكىن ەمەس.

سوڭعى جاڭالىقتار