كىشى يسلام كاريموۆ اناسى جايلى مالىمدەمە جاسادى

None
None
 استانا. قازاقپارات - يسلام كاريموۆتىڭ ۇلى بريتانيادا تۇراتىن 25 جاستاعى نەمەرەسى يسلام كاريموۆ ءوزىنىڭ Instagram-داعى پاراقشاسىندا اناسى گۋلنارا كاريموۆانىڭ قوعامدىق ومىرگە قايتا ارالاسۋدى ويلاستارىپ جۇرگەنىن جازعان.

بۇل تۋرالى ورتالىق ازيانىڭ جاڭالىقتار قىزمەتى حابارلايدى.

«ەلىمىزدىڭ جاڭا باسشىلىعىنىڭ باستامالارى بويىنشا كوپتەگەن جاڭا جوبالاردى جۇزەگە اسىرۋ وزبەكستاننىڭ بولاشاعى ءۇشىن ۇلكەن مۇمكىندىك سىيلايدى. سوندىقتان مەنىڭ انام ەلىمىزدە ورىن الىپ جاتقان وزگەرىستەردى قارجىلىق جانە فيزيكالىق تاراپتان قولداۋدى شەشتى»، - دەدى يسلام كاريموۆ.

كىشى يسلام كاريموۆتىڭ سوزىنشە، ونىڭ اناسى گۋلنارا كاريموۆا بولىپ جاتقان وزگەرىستەرگە دەگەن «قارجىلىق جانە فيزيكالىق» كومەگىن ەلگە كەلىپ بەرۋگە ۋادەلەسىپتى.

ەسكە سالا كەتسەك، 2017-جىلدىڭ 28- شىلدەسىندە وزبەكستان باس پروكۋراتۋراسىنىڭ رەسمي سايتىندا «گ. كاريموۆاعا قارسى قىلمىستىق ءىس قوزعاۋدى» جاريالاعان بولاتىن.

اتالعان سايتتاعى باس پروكۋراتۋرانىڭ قۇجاتىندا 2015-جىلعى 21- تامىزداعى تاشكەنت وبلىسىنىڭ سوتى شەشىمىمەن گۋلنارا كاريموۆا بەس جىلعا باس بوستاندىعىنان ايىرىلعانىن كورسەتكەن.

اعىمداعى جىلدىڭ 3- قازانىندا وزبەكستاننىڭ باس پروكۋراتۋراسى «گۋلنارا كاريموۆا جازاسىن» وزبەكستاندا وتەيتىنىن ايتقان.

سوڭعى جاڭالىقتار